अख्तियार दुरुपयोग अनुसन्धान आयोगले झापाको भद्रपुरस्थित नापी कार्यालयमा कार्यरत सर्वेक्षक देवनारायण ठाकुर र विचौलिया उमेश यादवलाई घुस रकमसहित पक्राउ गरेको छ । कित्ताकाट गरेबापत सेवाग्राहीसँग घुस/रिसवत माग गरिरहेको भन्ने सूचनाका आधारमा आयोगको कार्यालय, इटहरीबाट खटिई गएको टोलीले सर्वेक्षक ठाकुर र बिचौलिया उमेश यादवलाई घुससहित रंगेहात नियन्त्रणमा लिएको हो ।

Advertisement 1

सेवाग्राहीसँग ७० हजार र ५५ हजारको चेक गरी कुल १ लाख २५ हजार रुपैयाँसहित उनीहरूलाई पक्राउ गरिएको आयोगले जनाएको छ ।अख्तियारका प्रवक्ता भोला दाहालका अनुसार दुवै जनालाई घुस लिइसकेको अवस्थामा झापाको भद्रपुर नगरपालिका वडा नम्बर ७, चन्द्रगढीबाट नियन्त्रणमा लिई थप अनुसन्धान भइरहेको छ ।