आन्दोलनरत स्थानीयका कर्मचारीसँग आज पनि वार्ता, बुँदा ५ सम्म हिजो छलफल
सरकारले आन्दोलनरत स्थानीय तहका कर्मचारीसँग आज पनि वार्ता गर्दै छ । गत १५ असोजदेखि २० बुँदे माग राखेर आन्दोलनमा होमिएका स्थानीय तहका कर्मचारीहरुसँग हिजो पहिलो चरणको वार्ता भएको हो ।
Advertisement 1
हिजोको वार्ताको क्रममा बुँदा नम्बर १ देखि ५ सम्म छलफल भएको र बाँकी बुँदा उपर आज अपरान्ह छलफल हुने बताइएको छ । आन्दोलनरत स्थानीय तहका कर्मचारीसँग वार्ताका लागि मन्त्रालयका प्रवक्ता समेत रहेका सहसचिव कमलप्रसाद भट्टराईको संयोजकत्वमा ४ सदस्यीय वार्ता टोली गठन भएको छ । सहसचिव नारायण अर्याल, कानुनका उपसचिव टङ्कबहादुर महत र प्रशासनका उपसचिव खिलराज राईको वार्ता टोली गठन भएको थियो ।
आजका वार्ताका लागि आन्दोलनरत स्थानीय तह कर्मचारी केन्द्रीय संघर्ष समितिका तर्फबाट ५ जना पदाधिकारी र कर्मचारी ट्रेड युनियनहरुका प्रतिनिधिहरुलाई बोलाइएको छ ।
प्रकाशित :२०८० आश्विन २६, शुक्रबार ०९:५७
यो खबर पढेर तपाईलाई कस्तो महसुस भयो ?
0%
like
0%
love
0%
haha
0%
wow
0%
sad
0%
