सशस्त्र प्रहरी बल १३ नम्बर गण पर्साबाट खटिएको सशस्त्र प्रहरी टोलीले वीरगञ्ज १० स्थित एक गोदाममा छापा मारेर ८ क्विन्टल काजु बरामद गरेको छ।

Advertisement 1

सशस्त्रले भन्सार छलेर भित्र्याइएको आशंकामा विशेष सूचनाका आधारमा गोदाममा छापा मार्दा यति ठूलो मात्रामा काजु बरामद गरेको हो। वीरगञ्ज महानगरपालिका – १० ठाकुरराम बहुमुखी क्याम्पस पछाडिको सिर्सिया पुल नजिकै रहेको बजरङ्ग टोलस्थित एक गोदामबाट ठूलो मात्रामा अवैध तरिकाले भारतबाट भन्सार छली गरेर ल्याइएको काजु बरामद गरेको हो ।

विशेष सूचनाको आधारमा १३ नम्बर गणबाट सशस्त्र प्रहरी नायव उपरीक्षक देवेन्द्र बहादुर सिंह र वीरगञ्ज भन्सार कार्यालयका अधिकृत दीपेन्द्र शर्मा पौडेलको कमान्डमा खटेको टोलीले मगनी राउतको घरमा रहेको गोदाममा छापामारी गरेर ८ सय किलोग्राम काजु बरामद गरिएको जनाएको छ । राउतको घरमा रहेको गोदाममा लुकाई छिपाई राखिएको अवस्थामा काजु बरामद गरिएको डिएसपी सिंहले जानकारी दिए । बरामद काजुको अनुमानित मूल्य ७ लाख २० हजार रुपैयाँ रहेको उनले बताए ।

Advertisement 2

राउतको घरमा रहेको गोदाममा लुकाई छिपाई राखिएको अवस्थामा काजु बरामद गरिएको डिएसपी सिंहले जानकारी दिए । बरामद काजुको अनुमानित मूल्य ७ लाख २० हजार रुपैयाँ रहेको उनले बताए । बरामद गरिएको काजु आवश्यक कारबाहीका लागि वीरगञ्ज भन्सार कार्यालय पर्सामा बुझाइएको सिंहले बताए । काजु धनीको विषयमा अनुसन्धान चलिरहेको उनको भनाई छ ।