सप्तकोशी नदिमा नुहाउने क्रममा बेपत्ता भएको व्यक्तिको शव सशस्त्र प्रहरी बल नेपाल सुनसरीले फेला पारेको छ । कोशी गाउँपालिका वडा नम्बर ८ कुशेश्वर मन्दिर दर्शन गर्न गएका अमर कुमार मेहता मृत अवस्थामा सशस्त्र प्रहरीले शव फेला पारेको हो ।

Advertisement 1

मेहता बेपत्ता भएको भनि प्रहरी चौकी कोशी ब्यारेजबाट जानकारी प्राप्त भए पश्चात सशस्त्र प्रहरी बल र स्थानियबासीको संयुक्त टोलीद्वारा खोजी कार्य गरेकोमा फेला नपरे पछि सुनसरीमा रहेको गोताखोर सहितको प्रादेशिक बिपद् व्यवस्थापन टिमलाई खबर गरेको थियो । सुनसरीबाट सशस्त्र प्रहरी निरीक्षक टेक बहादुर कट्वाल सहितको १८ जनाको टोली उक्त स्थानबाट मृत अवस्थामा शव फेला पारेको सशस्त्र प्रहरी बल सुनसरीले जानकारी दिएको छ ।

यसै आज बराहक्षेत्र नगरपालिका १ मदनभण्डारी लोकमार्गको रानी खहरे खोलामा आएको बाढीले दुई ओटा मोटरसाईकललाई बगाएको छ । उनीहरुलाई सशस्त्र प्रहरी नेपाल सुरक्षा बेश चतरा र ईलाका प्रहरी कार्यालया चतराबाट खटीएको संयुक्त टोलीले उद्धार गरेको छ । धरानबाट काठमाण्डौ तर्फ जादै गरेको धरान उमनपा ११ बस्ने पासाङ शेर्पाले चलाईरहेको प्रदेश १(०२(०४८१ प २४०७ नम्बरको मोटरसाइकल र बर्जु गाउँपालिका ४ बस्ने सत्य नारायण चौधरीले चलाईरहेको प्रदेश ०१(०४(०१ प ४३२५ नम्बरको दुवै मोटरसाइकल २५ मिटर तलबाट निकालेको छ । पासाङ्ग शेर्पा सकुसल रहेको र सत्य नारायण चौधरीको हातमा सामान्य चोट लागेको सशस्त्र प्रहरी बल सुनसरीले जानकारी दिएको छ ।