सशस्त्र प्रहरीले सर्लाहीले २ थान हतियार (पेस्तोल र कटुवा पेस्तोल)सहित २ जनालाई पक्राउ गरेको छ। सशस्त्र प्रहरी संग्रामपुरबाट खटिएको टोलीले पेस्तोल र कटुवा पेस्तोलसहित शनिबार राति सर्लाहीको हरिपुर्वा नगरपालिका–६ बस्ने प्रकाश यादव र जीवन राय यादवलाई पक्राउ गरेको हो ।

Advertisement 1

भारतबाट नेपालतर्फ आउँदै गरेको बीआर १९ जीए ४१४१ नम्बरको मोटरसाइकललाई चेक गर्ने क्रममा उनीहरको साथमा पेस्तोल र कटुवा पेस्तोल भेटिएको हो। सशस्त्र प्रहरीले उनीहरुको साथबाट उनिहरुको साथबाट ७.६५ मीमी पेस्तोल १ थान, म्यागेजिन १ थान र सोको गोली १५ राउण्ड तथा कटुवा पेस्तोल १ थान र ५ राउण्ड गोली बरामद भएको जनाएको छ।

Advertisement 2

यस्तै, भारतीय रुपैयाँ ११ हजार ६८० नगदसहित भारतीय बैंकका एटिएम कार्ड समेत बरामद भएका छ। उनीलाई बरामद हतियार तथा मोटरसाइकलसहित शनिबार राति नै जिल्ला प्रहरी कार्यालय सर्लाहीमा बुझाइएको सशस्त्र प्रहरी बलले जानकारी दिए।