पर्सामा सशस्त्र प्रहरीले लाखौं मूल्य पर्ने सामान बरामद गरेको छ । रौतहटमा पनि भन्सार छलेर ल्याउँदै गरेको सामान फेला परेको छ । मोटरसाइकलमा राखेर भारतबाट लुकीछिपी ल्याउँदै गरेको हार्डवेयर र लत्ताकपडा बरामद गरिएको हो । गौर नगरपालिका वडा नम्बर–२ स्थित भन्सार ईलाकाबाट भित्रिँदै गरेको मोटरसाइकललाई प्रस्तावित सीमा सुरक्षा गुल्म, गौरबाट खटिएको टोलीले चेकजाँच गरेको थियो ।

Advertisement 1

ना ३४ प १८६८ नम्बरको मोटरसाइकलमा राखेर ल्याइएको दुई लाख तीन हजार ६ सय रुपैयाँ बराबरको सामान बरामद भएको प्रहरीले जनाएको छ । बरामद सामान र मोटरसाइकललाई आवश्यक कारबाहीका लागि गौर भन्सार कार्यालय पठाइएको छ ।

त्यस्तै १३ नम्बर गणबाट खटिएको टोलीले वीरगञ्ज महानगरपालिका वडा नम्बर–८, घण्टाघर ईलाकाबाट ३१ लाख ७३ हजार रुपैयाँको सामान बरामद गरेको हो । वीरगञ्जबाट पथलैयातर्फ जाँदै गरेको ना ४ ख २६४१ नम्बरको ट्रक चेकजाँच गर्ने क्रममा बिलबिजकमा उल्लेख भएभन्दा बढी मूल्यको र फरक सामान पाइएपछि नियन्त्रणमा लिइएको प्रहरीले जनाएको छ । नियन्त्रणमा लिइएको ट्रक र सामानलाई आवश्यक अनुसन्धानका लागि राजश्व अनुसन्धान कार्यालय, पथलैया पठाइएको प्रहरीले जानकारी दिएको छ ।

Advertisement 2

कपिलवस्तु जिल्लाको बिजयनगर गाउँपालिका १ जवाबैराठ ईलाकाबाट साउन ९ गते सशस्त्र प्रहरीले करीव ३७ लाख २० हजार रुपैयाँ बराबरको लत्ताकपडा तथा मोटरसाईकल बरामद गरेको छ । सोही ठाउँको जंगल ईलाकामा वेवारिसे अवस्थामा रहेको सो लत्ताकपडा तथा भारतीय नम्बर प्लेटका चार वटा मोटरसाईकल प्रस्तावित सीमा सुरक्षा गुल्म कृष्णनगरले बरामद गरेको हो । बरामद लत्ताकपडा तथा मोटरसाईकल कृष्णनगर भन्सार कार्यालय कपिलवस्तुमा बुझाईएको छ ।

त्यस्तै, ईलाम जिल्लाको सुर्योदय नगरपालिका २ चारमाईल स्थित सीमा ईलाकाबाट साउन ८ गते सशस्त्र प्रहरीले करीव ८ लाख ७५ हजार रुपैयाँ बराबरको सुर्तीजन्य सामान बरामद गरेको छ । नेपालबाट अवैध रुपले भारततर्फ लैजाँदै गरेको उल्लेखित मुल्य बराबरको खुकुरी चुरोट १७ कार्टुन र शिखर चुरोट २ कार्टुन प्रस्तावित सीमा सुरक्षा गुल्म पशुपतिनगर ईलामले बरामद गरेको हो ।

सामान लैजाँदै गरेका व्यक्तिहरु भने सशस्त्र प्रहरीलाई टाढैबाट देख्नासाथै सोही ठाउँमा सामान छाडी फरार भएका थिए । बरामद सामान पशुपतिनगर भन्सार कार्यालय ईलाममा बुझाईएको छ ।