राष्ट्रसेवक कर्मचारीमाथि विभिन्न पक्षबाट सांघातिक हमला हुन थालेपछि निजामती कर्मचारीहरू त्रसित बन्न पुगेका छन् ।

Advertisement 1

गाउँका सिंहदरबार भनिने स्थानीय तहका कर्मचारीमाथि एक पछाडि अर्काे हमलाको श्रृंखला रुपन्देहीको कञ्चन गाँउपालिकासम्म पुगेको छ ।लुम्बिनी प्रदेशको कञ्चन गाउँपालिकाका कर्मचारीमाथि कार्यालयमा काम गरिरहेको समयमा कपोकल्पित आरोप लगाउँदै दृश्य खिच्ने काम भएको र समाजिक सञ्जालमा त्यस्ता भिडियो पोष्ट गरी मनोबल गिराउने र हतोत्साहित गराउने काम भएको भन्दै पालिकाले आपत्ति जनाएको छ ।

Advertisement 2

गत २४ असारमा कार्यालयमा काम गरिरहेको समयमा वडा नम्बर ३ का कर्मचारी ई मादक पदार्थ सेवन गरेका केही युवाले दुर्व्यवहार गरेको घटनाप्रति पालिकाका अध्यक्ष नवराज ढकालले आपत्ति जनाउँदै यस्ता घटनामा संग्लग्नहरुलाई कानुनी दायरामा ल्याउन सम्बन्धित सरोकारवाला निकायहरुको ध्यानाकर्षण समेत गराएका छन् ।
पालिकाका अध्यक्षद्वारा हस्ताक्षरित बिज्ञप्तिमा भनिएको छ, महालेखा परिक्षकको कार्यालयले २४ गते राती १२ बजेपछी स्थानीय तहको भुक्तानी प्रणाली बन्द गर्ने निर्णय गरेपछि सोही दिन अवेरसम्म कार्यालयमा काम गरिरहेका कर्मचारीहरुलाई हतोत्साहित पार्ने,मनोबल गिराउने र सेवा प्रवाहमै गम्भीर असर पुर्याउने खालका गतिविधि भएका कारण यस्ता घटनाप्रति गम्भीर ध्यानाकर्षण भएको र विचलित नभइ कर्मचारीहरुलाई सेवा प्रवाह गर्न विज्ञप्तीमा आग्रह गरिएको छ ।

उक्त घटनामा संग्लग्नहरुलाई कडाभन्दा कडा कानुनी कारवाही गर्न जनप्रतिनिधिहरु एकमत भएका कारण सामाजिक सञ्जालमा फैसलाइएका खबरहरुमा विश्वाश नगर्न समेत पालिका अध्यक्षले आग्रह गरेका छन् ।
पछिल्लो समय जनप्रतिनिधि तथा अमूक व्यक्तिहरूले विभिन्न वहानामा कर्मचारीहरू माथि आक्रमण गर्ने क्रम बढेको छ । ठेकेदारदेखि नेता र जनप्रतिनिधिबाटैसमेत आक्रमण हुन थालेपछि कर्मचारीमा भय, त्रास र तनावयुक्त कार्य वातावरण उत्पन्न भएको बताइन्छ ।