ललिता निवास जग्गा प्रकरणमा मुछिएका पूर्व सचिव तथा अख्तियारका पूर्व प्रमुख आयुक्त दीप बस्नेत भागेर दिल्लीतिर पुगेका छन् । उनी भौतिक पूर्वाधार मन्त्रालयको सचिव हुँदा ललिता निवास जग्गा प्रकरणमा जोडिएका थिए । त्यतिखेर जग्गा बिस्तार गर्दा २७ रोपनी जग्गा हिनामिना भएको प्रकरणमा पूर्व आयुक्त बस्नेत समेत डामिएका थिए । सिआइबीले यस अगाडि नै ललिता निवासको फाइल खोलेको थियो । चार बर्ष अघि अर्थात २०७६ साउन १७ मा बस्न्यातलाई कागज गराउँदा यो प्रकरणमा आफ्नो कुनै संलग्नता नभएको ‘कागज’ गरेका थिए ।

Advertisement 1

यो प्रकरणको फाइल फेरि खुलेको छ । अख्तियारका पूर्वप्रमुख दीप बस्न्यातविरुद्ध पक्राउ पुर्जी जारी भएको छ । यो मुद्दामा पक्राउ पर्ने पूर्व सूचना पाएर दीप बस्न्यात असारको १२ गते दिल्लीतर्फ उडेका स्रोतको दावा छ । प्रहरीले ३ दिनपछि बल्ल १५ गते उनीविरुद्ध काठमाडौं जिल्ला अदालतबाट पक्राउ पुर्जी जारी गरायो । एयर इण्डियाको उडान नम्बर २१४ मा बिजनेश क्लासको टिकट काटेर उनी उपचार गराउने भन्दै त्यसदिन बिहान १० बजे राहदानी नम्बर १०७३४५१४ बोकी दिल्लीतिर लागेका स्रोतले जनाएको छ ।

गम्भीर मुद्दामा पक्राउ पुर्जीसमेत जारी भइसकेको हुँदा उनका सामु फर्केर आत्मसमर्पण गर्ने या प्रहरीले इन्टरपोलमार्फत् समातेर ल्याउनेबाहेक विकल्प छैन । गृह मन्त्रालयका पूर्वसचिव नारायणगोपाल मलेगो विरुद्ध केन्द्रीय अनुसन्धान ब्युरोले छानबिन थालेको छ ।