रौतहटमा सशस्त्र प्रहरीद्वारा भारतीय नम्बरको बोलेरो बरामद
रौतहट जिल्लाको गरुडा नगरपालिका ५ शिबनगरबाट सशस्त्र प्रहरीले राती भारतीय नम्बरको बोलरो गाडी बरामद गरेको छ।
Advertisement 1
सशस्त्र प्रहरी बल, नेपाल नम्बर ११ गण हेडक्वाटर रौतहटलाई प्राप्त बिशेष सूचनाको आधारमा नियन्त्रणमा लिएको हो । विशेष सूचनाको आधारमा सशस्त्र प्रहरी अस्थायी बेस क्याम्प दुधियाभारका प्रमुख इन्स्पेक्टर आवेश पुन को कमान्डमा गएको टोलीले शिवनगर स्थित उक्त गाडी बरामद गरेको हो। चेकजाँचको क्रममा भन्सार महसुल नतिरेको बिआर २२ प १९५७ नम्बरको भारतीय बोलेरो गाडी बरामद गरेको सशस्त्र प्रहरी बलले जनाएको छ ।
बरामद गाडीको ७ लाख रुपैयाँ मूल्याङ्कन सहित आवश्यक कारबाहीको लागि जिल्ला भन्सार कार्यालय गौरमा बुझाइएको छ। पछिल्लो समय रौतहटमा भारतीय गाडीको अत्यधिक चहलपहल बढ्ने गरेपछि चेकजाँचलाई तीव्रता दिइएको छ ।
प्रकाशित :२०८० असार ३, आईतवार ०९:४९
यो खबर पढेर तपाईलाई कस्तो महसुस भयो ?
0%
like
0%
love
0%
haha
0%
wow
0%
sad
0%
