सशस्त्र प्रहरी बलले आज ४ लाख ३ हजार बराबरको सामान बरामद गरेको छ । सशस्त्र प्रहरी नेपाल नं. ११ गण हेड क्वाटर रौतहटले आज विभिन्न समयमा सामान बरामद गरेको हो ।

Advertisement 1

बिहान ०६:५० बजेको समयमा जिल्ला रौतहट राजपुर न.पा.-२ फतुहा स्थित सुरक्षा बेश फतुहाबाट खटिई गएको गस्ती टोलीले BR २२P ५९३९ नम्बरको म्याजिक टेम्पोलाई चेकजाँच गर्ने क्रममा बिल बिजक नभएको १० वटा खसी २ वटा बाख्ना सहित म्याजिक टेम्पोलाई नियन्त्रणमा लिइएको छ । म्याजिकको मुल्य एक लाख र खसी/बानको मुल्य एक लाख साठ्ठी हजार गरि दुई लाख साठ्ठी हजार कायम भएको छ । त्यस्तै १२:५० मा गौर न.पा. -२ भन्सार ईलाकामा प्रस्ताबित सीमा सुरक्षा गुल्म गौरबाट खटिई गएको गस्ती टोलीले अवैध रुपमा भन्सार छली ल्याउदै गरेको लत्ताकपडाहरु बरामद गरेको छ । उक्त सामान ६५ हजार तीन सय बराबरको रहेको छ ।

बौधिमाई न.पा.५ कोपवा स्थित वि. ओ. पि. टोलीले पानी तान्ने मोटर थान ४ वटा र लत्ताकपडा बरामद गरेको छ ।नियन्त्रणमा लिइएको सामानहरु गौर भन्सार कार्यालयमा बुझाएको सशस्त्र प्रहरी बलले जनाएको छ ।