अटेरी १५ हजार कर्मचारी, जसले बुझाएनन् सम्पत्ति विवरण
राष्ट्रिय सतर्कता केन्द्रले संघ, प्रदेश र स्थानीय तहका १५ हजार भन्दा बढी कर्मचारीले आफ्नो सम्पत्ति विवरण नबुझाएको जनाएको छ । केन्द्रले वार्षिक प्रतिवेदन २०७८/०७९ मा आ।व ०७७/०७८ मा सम्पत्ति विवरण नबुझाउने कर्मचारीको संख्या १५ हजार ४०९ भएको जनाएको छ । अनुगमनका क्रममा कुल ६ लाख ९६ हजार ६२४ कर्मचारीमध्ये ६ लाख ८१ हजार २१५ जनाले मात्रै प्रतिवेदन बुझाएको भेटिएको हो ।
Advertisement 1
हालसम्म सम्पत्ति विवरण नबुझाएका राष्ट्र सेवक कर्मचारी र जनप्रतिनिधिलाई राष्ट्रिय सतर्कता केन्द्रले अख्तियार दुरुपयोग अनुसन्धान आयोग समक्ष कारबाही सिफारिस गरेको छ। भ्रष्टाचार निवारण ऐनको दफा ५० अनुसार राष्ट्र सेवक कर्मचारी र जनप्रतिनिधिले आर्थिक वर्ष सुरु भएको ६० दिनभित्र आफ्नो सम्पत्ति विवरण बुझाउनुपर्ने व्यवस्था गरेको छ।
तर राष्ट्र सेवक कर्मचारी र जनप्रतिनिधिले उक्त कानुनी व्यवस्था अनुसार सम्पत्ति विवरण बुझाउन अटेरी गरेका हुन्। सम्पत्ति विवरण नबुझाउन अटेरी गर्नेमा सबैभन्दा बढी शिक्षक देखिएका छन्। केन्द्रको तथ्याङ्क अनुसार यस वर्ष ५ हजार १६ जना शिक्षक २ हजार ४ सय ८४ निजामती कर्मचारी ३० जना नेपाल प्रहरी र अन्य राजनीति नियुक्ति तथा करार तर्फ २ हजार २ सय ६७ जनाले सम्पत्ति विवरण बुझाएका छैनन्।
Advertisement 2
