काठमाडौँ– बिर्तामोडमा सञ्चालित बिर्तामोड अन्तरष्ट्रिय औद्योगिक महोत्सवमा मेजमान चियाले १ लाख ५० हजार कप चिया बिक्री गरेको जनाएको छ।

Advertisement 1

फागुन ५ गतेदेखि १९ गतेसम्म सञ्चालन भएको महोत्सवमा सीता चिया तथा घरेलु मसला उद्योगबाट उत्पादित तथा प्याकेजिङ मेजमान चियाले उक्त संख्यामा चिया बिक्री गरेको उद्योग संस्थापक सीता सापकोटाले जानकारी दिइन्।

महोत्सवको आकर्षण र चियाको ब्रान्डिङलाई मद्दत पुग्ने उद्देश्यका साथ स्टल नै राखेर १ रुपैयाँ कप चिया बिक्री गरेको उनको भनाइ छ। यसै वर्षदेखि नेपाली बजारमा आएको मेजमान चियामा इलाममा उत्पादित अर्थोडक्स  हातेपत्ती पनि मिश्रण गरिएकाले सो चिया अरू चियाभन्दा भिन्न रहेको उद्योग सञ्चालक नरेश सापकोटाले जानकारी दिए।

Advertisement 2

‘इलामको हावापानीमा उत्पादित उच्च गुणस्तरको अर्थोडक्स समिश्रण गरिएको हुँदा मेजमान चियाको स्वाद र विशेषता अन्य चियाभन्दा भिन्न छ,’ उनले भने, ‘चिया पारखीलाई केही फरक स्वादमा चिया चखाउन, महोत्सवमा दर्शक अवलोकनकर्ताको आकर्षण बढाउन र चियाको ब्रान्डिङका लागि हामीले १ रुपैयाँमा नै एक कप चिया बिक्री गरेका हौं। मेला अवधिमा करिब डेढ लाख कप चिया बिक्री भयो।’

१ रुपैयाँमा चिया उपलब्ध गराएपछि महोत्सवमा चिया उपभोक्ताहरूले चिया पिउनुका साथै स्टलबाटै खरिद गरी लगेको उनले जानकारी दिए। करिब साढे ७ लाख रुपैयाँ खर्चेर आएका अगन्तुकलाई मेजमान चिया प्रदान गरिएको उनले बताए।