संगठन बिस्तारलाई तिव्रता दिइरहेको एकीकृत सरकारी कर्मचारी संगठन, नेपालको भौतिक पुर्वाधार तथा यातायात मन्त्रालय, बिभागीय कार्यसमिति आयोजक कमिटीले आयोजना गरेको भेलाले बिभागिय कार्यसमिति गठन गरेको छ ।

Advertisement 1

शनिवार संगठनका उपत्यका बिशेष प्रदेश संयोजक हरिकाजी राईको प्रमुख आथित्यमा सम्पन्न भेलाले धनदेव जोशीको नेतृत्वमा २१ सदस्यीय कार्यसमिति गठन गरेको हो । यसका अलवा आजको भेलाले आसन्न राष्ट्रिय अधिबेशनका लागि केन्द्रीइ प्रतिनिधी समेत चयन गरेको छ । यसका लागी संगठनका केन्द्रीय आर्थिक बिभाग प्रमुख दिनेश लम्सालको संयोजकत्वमा केन्द्रीय सदस्य तथा भौतिक पुर्वाधार इन्चार्ज धन बहादुर बुढा (डिबी) र केन्द्रीय सदस्य हरिहर गौतम सदस्य रहेको निर्वाचन समितिले निर्वाचन कार्यक्रम सम्पन्न गरेको थियो ।
कार्यक्रममा हरिकाजी राई , दिनेश लम्साल र धन बहादुर बुढा (डिबी) ले शुभकामना र संगठन निर्माणसम्बन्धी समसामयिक मन्तव्य राखेका थिए । आजको कार्यक्रममा आर्थिक बिभाग प्रमुख दिनेश लम्सालले सरकार ट्रेड युनियनप्रति सकारात्मकरूपमा प्रस्तुत हुन नसकेको सन्दर्भमा सदा चनाखो बन्दै जनताको सेवालाई प्राथमिकतामा राख्दै सौदावाजी गर्दै जानुपर्ने र सरकारको धारणा परिवर्तन ल्याउने गरी ट्रेड युनियन गतिबिधीमा लाग्न अनुरोध गरे । लम्सालले ट्रेड युनियनमा आबद्द भएकै कारण आउने धम्की र दुःख दिने नियतबाट नडराउन र समयमै जानकारी गराउन समेत आग्रह गरेका थिए ।