बनभोजमा गएका कर्मचारी मातेर हाकिमलाई मुख र हात छाडेपछि
पिकनिक खान गएका कर्मचारीहरुले मदिराले मातेर भनाभन र हानाहानमा उत्रिएपछि प्रहरीले नियन्त्रणमा लिनु परेको छ ।
Advertisement 1
प्रंसग हो गत इटहरी उपमहानगरपालिकाको । पालिकाका कर्मचारीहरु पिकनिक खानका लागि शुक्रबार पथरी शनिश्चरेस्थित भुल्के सिमसार क्षेत्रमा पुगेका थिए।
दिन ढल्कदै जाँदा केही कर्मचारीहरु दारुतिर भुल्न थाले । दारुको नशा चढ्दै गएपछि उनीहरुबीच विवाद,भनाभन हुँदै हानाहानको तहमा पुग्यो ।
Advertisement 2
त्यही समयमा समितिले प्रहरीलाई खबर गरेपछि उनीहरुमध्य केहीलाई इलाका प्रहरी कार्यालय पथरीले नियन्त्रणमा लियो । र आगामी दिनमा गल्ती नदोहोर्याउने शर्तमा उपमहानगरपालिकाको कार्यालयलाई बुझाइएको प्रहरीले जनाएको छ ।
प्रहरीका अनुसार थापा थरका एक कर्मचारीले प्रमुख प्रशासकीय अधिकृतसँग हात हालहाल र मुख छोडेपछि केही समय नियन्त्रणमा लिएर छोडिएको जनाएको छ ।
Advertisement 3
यो बिषयमा बुझ्नका लागि पालिकाको प्रमुख प्रशासकीय अधिकृत राम चरित्र मेहतलाई पटक पटक फोन गर्दा पनि उनी सम्पर्ककमा आउन चाहेनन् ।
(यस अघिको समाचारमा भूलवश कुसुम पोखरेलको तस्विर र नाम पर्न गएकोमा उहाँमाथि पर्न गएको चोटप्रति माफी माग्दै सच्चाइएको छ ।)
