अब काठमाडौँमा भाडामा बस्न घरबेटीसँग अनिवार्य भाडा सम्झौता’ गर्नुपर्ने
अब काठमाडौं महानगरपालिकाभित्र घरधनीले भाडामा लगाउँदा भाडामा बस्नेसँग अनिवार्य सम्झौता गर्नुपर्ने भएको छ । महानगरपालिकाले बहाल व्यवस्था कार्यविधि’सम्झौता बनाएर बहालसम्बन्धी व्यवस्थामा कडाइ गर्न लागेको हो ।
Advertisement 1
यो कार्यविधि बनेर लागू भएपछि घरधनी र भाडामा बस्नेबीच अनिवार्य घर बहाल सम्झौता गर्नुपर्ने महानगरले बताएको छ ।
यस्तो छ मस्यौदा
Advertisement 2
कार्यविधिको मस्यौदामा उल्लेख भए अनुसार काठमाडौँ महानगरभित्र बसोबास गर्ने तथा व्यवसाय गर्ने प्रयोजनका लागि घर संरचना, ठाउँ (स्थान) वा वा जग्गा भाडामा दिँदा वा लिँदा अनिवार्य सम्झौता गर्नुपर्छ ।
सम्झौताको एक प्रति भाडामा दिने व्यक्ति एक प्रति लिने व्यक्ति र एक प्रति सम्बन्धित वडा कार्यालयमा राख्नुपर्ने छ ।
Advertisement 3
सम्झौतामा भाडामा लिने र दिने दूबै पक्षको नाम, ठेगाना, नागरिकताको प्रतिलिपी, राष्ट्रिय परिचय पत्र नम्बर, भाडामा लिएको÷दिएको संरचना वा स्थानको क्षेत्रफल र कित्ता नम्बर अनिवार्य उल्लेख गर्नुपर्छ ।
भाडा वापत लिने पक्षले तिर्नुपर्ने रकम कसरी तय गर्ने, कति समयमा कति बढाउन पाइने, खानेपानी, र बिजुलीको महशुल कसले तिर्नु, बहाल कर कसले बुझाउने पनि सम्झौतामै स्पष्ट उल्लेख गर्नुपर्नेछ ।
यदि सम्झौता गर्दा नै घरबहाल कर भाडामा बस्ने वा घरधनी कसले बुझाउने भनेर नलेखिएको अवस्थामा भने यस्तो कर सम्बन्धित घरधनी आफैँले बुझाउनुपर्नेछ ।
अहिले बस्दै आएका तर घरबहाल सम्झौता नगरेका भाडावाला र घरधनीले कार्यविधि लागू भएको ९० दिनभित्र सम्झौता गर्नुपर्नेछ ।
यसको अर्थ कार्यविधि लागु हुनु अगाडी नै घर तथा कोठा भाडामा लगाइरहेका र भाडामा बसिरहेकाहरुले यो नियम लागू भएको ९० दिनभित्र महानगरले तोकेको कार्यविधि अनुसार बहाल सम्झौता गरेर वडा कार्यालयमा जानकारी गराउनुपर्नेछ ।
