सरकारले विरोधका वावजुत पनि कर्मचारीहरुको नयाँ तलबमान लागू गरेको छ । यही साउन १ गतदेखि लागू हुने गरी सरकारले निजामती कर्मचारीहरुको नयाँ तलबमान लागू गरेको हो । गत २६ साउनमा बसेको क्याविनेटले कर्मचारीहरुको नयाँ तलबमान स्वीकृत गरेको हो । सञ्चारमन्त्री ज्ञानेन्द्र बहादुर कार्कीका अनुसार सबै तहका निजामती कर्मचारी, नेपाली सेना, नेपाल प्रहरी, सशस्त्र प्रहरी बल, नेपाल स्वास्थ्य सेवा, संसद सेवा, सामुदायिक विद्यालयमा कार्यरत शिक्षकका लागि २०७९ साउन १ गतेदेखि लागू हुने गरी नयाँ तलबमान एवम् ग्रेड स्वीकृत गरेको हो ।

Advertisement 1

नयाँ तलबमानको विरोधमा खरदार नासु तहका कर्मचारीहरु आन्दोलनरत छन् । सरकारले मर्यादाक्रम मिलाउन भन्दै अधिकृतस्तरका कर्मचारीहरुको तलब २४ दशमलव २६ प्रतिशत, उपसचिवहरुको २३ दशमलव ३५ र २३ दशमलव ६३ र सचिवहरुको तलब १८ दशमलव २१ प्रतिशतले वृद्धि गरेर नयाँ नयाँ तलवमान लागू गरेको हो ।