सशस्त्र प्रहरी बलको रिक्त १६ जना एसएसपीमा बढुवाको निम्ति हिजो अबेर गृह मन्त्रालयको बढुवा समितिले सिफारिस निकालेको छ । दुई थरि ज्येष्ठता कायम हुनेगरी पहिलो लहरमा १४ जना र अर्को लहरमा दुई जनाको नाम सिफारिस भएको हो ।

Advertisement 1

पुरानो लटबाट सर्वश्रेष्ठ बनाइएका प्रदिप कँडेललाई तलै पार्न दिपेन्द्र कुँवरको बालुवाटारस्थित सरकारी ससुराली खलकबाट ठूलै गलफत्ती परेको थियो । नेपाल प्रहरीको प्राविधिक सइबाट सशस्त्रमा छिरेका कँडेलको पक्षमा माओवादी केन्द्रको हेडक्वार्टर नै लागेको बताइन्छ । दुई नम्बरमा राख्न खोजिएका कँडेललाई एक नम्बरमा नराखे सत्ता बठबन्धन नै तोडिनसक्ने धम्की दिइएको गृह मन्त्रालय स्रोतको दाबी छ ।

‘कँडेललाई पहिलेदेखि सशस्त्रमा प्रचण्ड र जनार्दनको मान्छे भनेर चिनिन्थ्यो । काङ्ग्रेसले मात्रै जहिल्यै पेल्ने भएपछि माओवादी चर्को दवाव दिएर आफ्ना केही मान्छेलाई समेत यो लटमा घुसाउन सफल भएको देखिन्छ । माओवादी नेतृत्वले,” दिपेन्द्र कुँवर (ख) लाई मात्रै किन अगाडि ?’ भनेर कडा प्रतिवाद गरेको बताइएको छ ।

Advertisement 2

त्यसैले हिजो रातिको सूचीमा दिपेन्द्र कुँवर दुई नम्बरमा छन् । त्यसपछि विष्णुप्रसाद भट्टको नाम छ । उनी एमाले उपमहासचिव विष्णु रिमालको खास मान्छेको रुपमा चिनिन्छन् । यसअघि ओली सरकारको पालामा उनले डिएसपी हुँदै कैलाली जिल्ला हाँकेका थिए ।

चार नम्बरमा गृहमन्त्रीकै प्रदेशका दिग्विजय सुवेदी र नम्बर पाँचमा विश्व भट्टराई परेका छन् । भट्टराई पूर्व डिआईजी माधव थापाका भतिजी ज्वाईं हुन् ।

माओवादी भनेर चिनिएका भुपेन्द्र केसीको ज्येष्ठता छ नम्बरमा राखिएको छ । उनलाई उपराष्ट्रपतिदेखि नेता जनार्दन शर्मा,कृष्णबहादुर महरा,ओनसरी घर्ति र वर्षमान पुनको दह्रो ब्याकिङ्ग थियो ।

सात नम्बरमा रहेका कमलप्रसाद तिउसिनालाई एमाले उपाध्यक्ष विष्णु पौडेलका खास मान्छेको बिल्ला भिराइएको छ । त्यसैगरी पूर्णबहादुर खड्काका मान्छेको रुपमा नीरकृष्ण अधिकारी देखिएका छन् । उनी आठ नम्बरमा परेका छन् । उनलाई कर्णालीका माओवादी नेता महेन्द्र शाहीको पनि मान्छे भन्ने गरिएको छ ।

१६ जनाको सूचीमा अट्ने दुई जनामध्ये एसपीबाट सोझै उक्लिएका किरण ढुंगाना र शंकर खनाल हुन् । सुवास नेम्वाङकोे भाञ्जा किरणलाई एक नम्बर र गृहमन्त्रीकै खास खनाललाई दुई नम्बरमा राखिएको छ ।