पूर्व सचिव पाण्डेको निधन
नेपाल सरकारका पूर्व सचिव दुर्गाप्रसाद पाण्डेको निधन भएको छ । पाण्डेको बिहिबार बिहान निधन भएको हो । उनी वाणिज्य मन्त्रालयको सचिवको रुपमा ०४७ सालमा अवकाश पाएका हुन । आपूर्ति मन्त्रालयको सचिव हुँदै वाणिज्य मन्त्रालयको सचिवबाट अवकास पाएका थिए ।
Advertisement 1
अमेरिकाको जर्ज टाउन विश्वविद्यालयमा अध्ययन सकेका पाण्डेले पुप्रसिद्ध प्रबल गोरखा दक्षिण बाहुलगायतका दीर्घ सेवा तथा मानपदवीहरु पाएका थिए ।
०४५ सालमा आपूर्ति मन्त्रालयको सचिव भएका उनी सरकारी सेवातर्फ अस्थायी लेक्चररका रुपमा पाटन कलेजमा सन १९५८ मा सेक्सन अफिसर तथा पर्यटन विभागको उपसचिव सन १९६१ बनेका थिए ।
Advertisement 2
उनले मन्त्रिपरिषद् सचिवालयको विभागीय प्रमुख सन १९६६ मा, महावाणिज्य दूतावास कोलकत्ताको सन १९८२ मा, वीरगन्ज चिनी कारखानाको अतिरिक्त सचिव भएका थिए ।
लखनउ विश्वविद्यालयबाट राजनीति शास्त्रमा एमए गरेका पाण्डे नेपाल इन्भेस्टमेन्ट बैंकका प्रमुख कार्यकारी अधिकृत ज्योति पाण्डे तथा शिखर इन्स्योरेन्सका सीईओ दीपप्रकाश पाण्डेका बुवा हुन ।
