गत असार१९ गते एउटा काण्डले बजार गर्मायो । प्रदेश सांसद गुलाबजंग शाह र एमाले सल्यानकी जिल्ला कमिटी सदस्य टिका वलीको । टिकटकमा सार्वजनिक भएको उक्त टिकटकले बजार ततायो । सो काण्ड बजारमा ल्याउने पत्रकार थिए दाङका गणेश आचार्य ।
उनै आचार्य महिलामाथि अभद्र व्यवहार गरेको आरोपमा पक्राउ परेका छन् ।आचार्यविरुद्ध सल्यान घर भई हाल काठमाडौं बस्दै आएकी युवतीले प्रहरीमा जाहेरी दिएकी थिइन । उनले दिएको जाहेरीके आधारमा प्रहरीले उनलाई पक्राउ गरेको हो । पक्राउ परेका आचार्य प्रेस चौतारी दाङका इन्चार्ज समेत हुन । उनलाई प्रहरीले काठमाडौं स्वयम्भूबाट पक्राउ गरेको हो । स्वयम्भूका प्रहरी निरीक्षक हेमन्त थापाले उनलाई युवतीको जाहेरीमा पक्राउ गरेको र म्याद थपेर मुद्धा दर्ता हुने बताए ।
प्रहरी प्रशासनसङ्ग आफ्नो सम्बन्ध भएको भन्दै भर्खर आइजिपी धिरजप्रताप शाहसङ्ग कार्यालयमा भेटेको फोटो समेत उनले केही दिन अघिमात्र सामाजिक सञ्जालमा हालेका थिए ।