प्रमुख प्रशासकीय अधिकृतसहित ६ जनाविरुद्ध भ्रष्टाचार मुद्दा
यार दुरुपयोग अनुसन्धान आयोगले सिन्धुपाल्चोकको जुगल गाउँपालिकाका तत्कालीन प्रमुख प्रशासकीय अधिकृत ढाकाराम अर्यालसहित ६ जनाविरुद्ध भ्रष्टाचारको मुद्दा दायर गरेको छ ।
Advertisement 1
गाउँपालिकामा कार्यरत अर्यालसहित इन्जिनियर सुरेश पौडेल, असिस्टेन्ट सब–इन्जिनियर रूपक घिमिरे, लेखापाल सतेन्द यादव, बलेफी–तेम्बथान सडक उपभोक्ता समितिका अध्यक्ष देवेन्द्र शाक्य र कोषाध्यक्ष अनुषा लामाविरुद्ध विशेष अदालतमा मुद्दा दायर भएको हो ।
तेम्बाथान मोटरबाटो सडक विस्तार डबल कटिङको काम गर्न सम्झौताविपरीत उपभोक्ता समितिबाट काम नगरी हाजिर, नापी किताब तयार पारी ३६ लाख ४९ हजार ८९९ रुपैयाँ भुक्तानी लिई भ्रष्टाचार गरेको आरोप उनीहरूमाथि छ ।
Advertisement 2
बलेफी तेम्बाथान मोटरबाटो निर्माणका क्रममा झुटा विवरण पेस गरी राज्यलाई ३६ लाख ४९ हजार ८९९ रुपैयाँ नोक्सान पुर्याएको भन्दै तत्कालीन प्रमुख प्रशासकीय अधिकृत ढाकाराम अर्याल, इन्जिनियर र उपभोक्ता समितिका अध्यक्षसमेत ६ जना उपर बिहीबार अख्तियार दुरुपयोग अनुसन्धान आयोगले विशेष अदालतमा आरोपपत्र दायर गरेको हो ।
तत्कालीन प्रमुख प्रशासकीय अधिकृत अर्याल, इन्जिनियर पौडेल र असिस्टेन्ट सव(इन्जिनियर घिमिरेले बलेफी तेम्बाथान सडक विस्तारको डबल कटिङसमेतको कार्य गर्न जुगल गाउँपालिकाबाट विनियोजित रकमबाट उपभोक्ता समितिमार्फत मानिसरलेबर लगाई सम्पन्न गर्ने गरी तयार भएको लागत अनुमानबमोजिम उपभोक्ता समितिसँग सम्झौताविपरीत डोजर, जेसीबी मेसिनबाट सम्पन्न भएको कार्यलाई मानिसरलेबरबाट गरेको झुट्टा डोरहाजिर, गलत नापी किताब र कार्य सम्पन्नका कागजात तयार गरी गराई गाउँ कार्यपालिका कार्यालयबाट ३६ लाख ४९ हजार ८९९ रुपैयाँ ६३ पैसा बढी भुक्तानी दिई भ्रष्टाचार निवारण ऐन, २०५९ को दफा ८ को उपदफा (१) को देहायको खण्ड (ग) र (ङ) विपरीतको भ्रष्टाचारजन्य कार्य गरेको अख्तियारको ठहर छ ।
Advertisement 3
आरोपित प्रमुख प्रशासकीय अधिकृत अर्याल, इन्जिनियर पौडेल र असिस्टेन्ट सव(इन्जिनियर घिमिरेउपर ३६ लाख ४९ हजार ८९९ नै बिगो कायम गरी सोही ऐनको दफा ८ को उपदफा ९१० बमोजिम कैद र जरिवाना बिगोसमेत असुलउपर हुन मागदाबी गरिएको अख्तियारका प्रवक्ता श्यामप्रसाद भण्डारीले विज्ञप्तिमार्फत जानकारी दिएका छन् ।
यस्तै लेखापाल सतेन्द्र यादवले सोही आयोजनामा मानिसद्वारा काम गर्ने इस्टिमेटरसम्झौतारकार्यादेशको ठाडै बर्खिलाप हुने गरी मेसिन प्रयोगबापत इन्धन खर्चबापत ३६ लाख ४९ हजार ८९९ बढी भुक्तानी दिइएकोले उनीविरुद्ध पनि सोहीबराबर बिगो मागदाबी माग गरिएको छ ।
बलेफी तेम्बाथान सडक उपभोक्ता समितिका अध्यक्ष देवेन्द्र शा्यक र कोषाध्यक्ष अनुषा लामाले मेसिनबाट गरेको कामलाई मानिसरलेबरबाट गरेको भनी गैरकानुनी लाभ लिने बदनियतले झुट्टा डोरहाजिर, नापी किताब र कार्यसम्पन्न प्रतिवेदन बुझाई पालिकाबाट ३६ लाख ३९ हजार ८९९ बढी रकम भुक्तानी लिएर भ्रष्टाचार गरेको ठहर गर्दै भ्रष्टाचार ऐनअनुसार सोहीबराबर बिगो जफत गर्न कैद गर्न माग गरिएको छ ।
