पर्यावाची नै भइसक्यो वेवारिसे लाश र विनयजंग बस्नेत । कुलतमा लागेर आफ्नो घर–परिवार, आफन्त शुभचिन्तक सबै गुमाएका, दशकदेखि समाजिक अभियानमा होमिएर एउटा उचाई बनाएका उनै बस्नेत  अब राजनीतिमा होमिने छाँटकाँट गर्दै छन् ।

Advertisement 1

ललितपुर महालक्ष्मी नगरपालिकाका स्थायी बासिन्दा उनै बस्नेत  वडा नम्बर सात वाट उनी वडा अध्यक्षको रुपमा मैदानमा उत्रदै छन् । कुनै राजनीतिक दलको झण्डा ओडेर नभइ स्वतन्त्र रुपमा उम्मेद्धारी दर्ता गर्ने उनको तयारी छ ।आफू कुनै पार्टीको नभएको,र कुनै पार्टीको कार्यकर्ता पनि नभएको उल्लेख गर्दै बस्नेतले देश बनाउने अभियान आफ्नै ठाउँबाट प्रारम्भ गर्न लागेको बताएका छन् ।

आठ बर्ष अघि देखि सामाजिक कर्ममा होमिएका बस्नेतले हालसम्म ५६० भन्दा बढी वेवारिसे लाशको सद्गद गरिसकेका छन् । समय सबैको मन जित्ने काम गर्दै आएका उनी बेवारिसेहरूको अभिभावक बन्दै आएका हुन अब समाजको अगुवा बन्ने योजना बुनिरहेका छन् । हालसम्म सामाजिक कर्म गर्दा उनले आफ्नो अंशका परेको जग्गा बेचेर बेवारिसे लासको सद्गत गरिरहेका छन् ।

Advertisement 2

केही समयदेखि हेपाटाइटिस सी जस्तो गम्भीर प्रकृतिको रोगसँग जुधिरहेका उनका उपचारका लागि देश विदेशमा रहेका केही मनकारीहरुले आफ्नो गास कटाएर पठाइदिएको रकम समेत विनयले आफ्नो उपचारमा खर्च गरेनन् । त्यो रकम वेवारिसे लाशको सदगद् गर्नमै खर्चिए । बस्नेतको संस्थाले देशैभर बेबारिसे अबस्थामा थन्किएको लासका विधिगत रुपमा दाहसंस्कार गर्दै आएका छन् ।

देशभरका प्रहरी,अस्पतालहरुमा जहाँ जहाँ भेटिन्छन वेवारिसे लास,उनैलाई नै फोन गर्छन् । विशेषगरी पाटन, त्रिवि शिक्षण अस्पताल, वीर लगायतका अस्पताल र ललितपुर, काठमाडौं र भत्तपुरका प्रहरीहरुले बेवारिसे लास भेटिनसाथ उनलाई फोन गर्छन् । उनी जहाँ हुन्छन्,जे गर्दै हुन्छन् । बेवारिसे लास तथा कहीँ कतै वेवारिसे बिरामी छ भन्ने खबर सुने भने खाइरहेको खाना पनि छोडेर दौडन्छन् । बस्नेतका अनुसार एउटा लास सद्गत गर्नको लागि मट्टितेल,दाउरा,चिनी लगायतका सामाग्री खरिद गर्दा कम्तीमा १० हजार लाग्छ । त्यो खर्च बस्नेतले कसरी जुटाउँछन् ? यो प्रश्न कमैले सोद्धछन ।

एकातिर ती लासको सद्गत गर्ने तनाव अर्कोतिर त्यसका लागि आर्थिक जोहो गर्ने तनाव । यद्यपि यही तनावकै बीच अहिलेसम्म ५६० भन्दा बढी लासको सदगद् गरिसकेका वेवारिसे लाशको पिता बस्नेतको सामाजिक कर्मको भोक यतिमै मात्र सकिँदैन । उनले ७७ जिल्लाकै काम गर्ने सरकारी अनुमती लिइसकका छन् ।
सडकमा भेटिने वेवारिसे बा आमा राख्नका लागि आश्रयस्थल निर्माणको काम तीव्र गतिमा अगाडि बढिरहेको उनै बस्नेत अब आफ्नै गाउँ टोलको रुपान्तरण गर्नका लागि राजनीतिमा होमिने अठोठ गरेका छन् ।

भन्छन नियती खराब भए बदल्न सकिन्छ तर कसैको नियत खराब छ भने त्यससँग लड्न सकिँदैन । उनै बस्नेतले सामाजिक कर्ममा ल्याएका मान्छे,जस्ले उनैमाथित हिलो छ्यापेर बस्नेतको प्रतिष्ठामाथि धावा बोलिन । आज ती सामाजिक अभियन्ताहरु कुन दुलामुनी छन् ?ती विगतका तीता पलहरुलाई मनको एउटा कुनामा संग्गालेर उनी अनवरत वेवारिसेहरुकै सेवामा छन् चाहे लाशको होस वा वेवारिसे मान्छेहरुको । उनको दिल,दिमाग र मनमा केवल सामाजिक सेवाप्रतिको अतृप्त भोकमात्र छन् । मा न त छ कुनै लोभ वा लालच । विगतमा हामीले विभन्न राजनीतिक दल र तिनका उम्मेद्धारहरु हेर्यौं र जितायौं पनि । तर फेरिएन हाम्रो गाउँ र बस्ती बरु फेरियो तपाई हामीले मतदान गरेर जिताएका जनप्रतिनिधिहरुको जीवन । यस पटक राजनीतिक झण्डाभन्दा परको एउटा उम्मेद्धार जो साच्चै सामाजिक कर्म गर्नकै लागि जन्मिएको हो । उसैलाई पो हेर्न हो कि महालक्ष्मी नगरवासीहरु ?