सामान्य प्रशासन, अर्थ र स्वास्थ्य मन्त्रालयले कर्मचारीहरुलाई बढुवा सिफारिस गरेको छ । सामान्य प्रशासनको बढुवा सिफारिस समितिले बढुवाको संशोधित सूची सार्वजनिक गरेको छ । नेपाल प्रशासन सेवा,राजश्व समूहको उपसचिव पदमा जेष्ठता र कार्यसम्पादन मुल्यांकनका आधारमा हुने बढुवाको गत माघ २७ गते प्रकाशित सिफारिस गरिएको सूची उपर लोकसेवामा उजुरी परेपछि सोको आधारमा लोकसेवा आयोगको निर्णय अनुसार बढुवाको संशोधित सूची सार्वजनिक गरेको छ । जसअनुसार प्रशासन सेवा राजश्व समूहबाट अनिलप्रसाद श्रेष्ठ,खगेन्द्र खड्का र राजेन्द्र बन्धु अर्याल उपसचिवमा बढुवा भएका छन् । यी तीनै जना जेष्ठता र कासमुका आधारमा बढुवा भएका हुन ।

Advertisement 1

यस्तै,कार्यक्षमताका आधारमा उपसचिवमा बढुवा भएकाहरुमा टिकाराम गैह्रे,शोभाखर खनाल,लक्ष्मीकुमार रिमाल र युवराज बस्नेत रहेका छन् ।
यस्तै बढुवा सिफारिस समितिले लेखापरीक्षण सेवातर्फबाट ११ जनालाई अधिकृत तहमा बढुवा सिफारिस गरेको छ । ११ जना नै जेष्ठता र कार्यसम्पादन मुल्यांकनका आधार बढुवा सिफारिस भएका हुन ।

उता स्वास्थ्य तथा जासंख्या मन्त्रालयले ४ जना डाक्टरलाई ९औँ तहमा बढुवाका लागि सिफारिस गरेको छ । चैमन्त्रालयले इ एन टी सर्जनमा बढुवाका लागि डा अम्बालिका शाक्य,कन्सल्टेण्ट एनेस्थेसियोलोजिष्ट पदमा डा‍ पुजन बल्ल, डा दीपिका सुवेदी र डा सन्दीप किरण प्रधानलाई बढुवा सिफारिस गरेको छ । यी चारै जना जेष्ठता र कासमुका आधारमा बढुवा सिफारिस भएका हुन ।