पूर्वप्रधानमन्त्रीदेखि, मन्त्रीदेखि, कलाकार, लेखक, फेसनिस्ट, गायक देखि नायकसम्म सबैले धमाधम मेयरका लागि विभिन्न ठाउँबाट उम्मेदवारीको चाह गर्दैगर्दा यसले मेयर–मोहको ठूलो क्यानभास देखाइदिएको छ । पूर्वप्रधानमन्त्रीदेखि वडाध्यक्षसम्म र पूर्वमेयरदेखि पूर्वउपमेयरसम्म सबै मेयरका लागि दावी गरिरहेका छन् । यस्तै अहिले चर्चामा आएका छन् अभिनेता भुवन केसीको । उनी काठमाडौं महानगरपालिकाको मेयर पदमा उठ्ने भएका छन्। ०७९ वैशाख ३० मा हुने स्थानीय तह निर्वाचनमा केसीलाई काठमाडौं महानगरको मेयर उठाउने उन्नत लोकतन्त्र पार्टीले निर्णय गरेको हो।

Advertisement 1

स्वागत नेपाल अध्यक्ष रहेको पार्टीले काठमाडौंको मेयरमा भुवनलाई र उपमेयरमा रेश्मा लामालाई उम्मेदवार बनाउने निर्णय गरेको छ। उन्नत लोकतन्त्र पार्टीको संवाद समितिले गरेको छलफलबाट केसीलाई परराष्ट्र विभागको विभागीय अध्यक्षसमेतको जिम्मेवारी दिइएको अध्यक्ष स्वागत नेपालले जारी गरेको प्रेस विज्ञप्तिमा उल्लेख छ ।