नेपालीमा एउटा उखान छ घाँटी हेरेर हाड निल्नु । घाँटीभन्दा ठूलो हाड निल्न खोज्दा के हालत हुन्छ भन्ने उदाहरण हुन हास्यकलाकार जोडी धुर्मुस र सुन्तली अर्थात यी अति महत्वकांक्षाले अहिले अप्ठ्यारोमा परेका पात्र ।
०७२ को भूकम्प अघिसम्म कलाकारितको एउटा उचाईमा पुगेका थिए बेला धुर्मुस सुन्तलीको जोडी । भूकम्प पछि यो जोडीले कलाकर्म त्यागेर भूकम्प पीडितको घाउमा मल्हम लगाउन तम्सियो ।
अरुसँग पैसा मागेर सामाजिक काम गर्न होमिएका यो जोडीले सिन्धुपाल्चोकमा गिरानचौर एकीकृत नमूना बस्ती, काभ्रेपलाञ्चोकको पाँचखालमा एकीकृत पहरी बस्ती र महोत्तरीमा एकीकृत नमूना मुसहर बस्ती बनाउन कस्सिए । काम सम्पन्न गरेर देखाए पनि । जस्ले उनीहरुको उचाई झनै अग्लायो ।
राजनीति,नेतृत्वका कारण बाक्क दिक्क भएका नेपालीले धुर्मुस सुन्तलीलाई ‘भगवान’ मान्न थाले । र यही बीचमा धुर्मुस सुन्तली झनै हौसिए । अस्पताल,शिक्षालय होइन क्रिकेट रंगशाला बनाउन तम्सिए । तीन अर्ब बजेटको गौतम बुद्ध अन्तराष्ट्रिय रंगशाला बनाउन होमियो,चितवनमा ।
लक्ष्यथ्यो दुई बर्षमै काम तमाम गर्ने । तर धुर्मुस सुन्तलीले हात हालेदेखि नै त्यहाँ अनेकन फण्डा निस्कियो जग्गादेखि नै विवाददेखि अनेकन ।
जुन प्रोजेक्टको अहिले ३५ प्रतिशत हाराहारी काम मात्र सकिएको छ । अहिले १६ करोड ऋण लाग्यो हामी ऋृणमा डुब्यौं । अब रङ्गशाला बनाउन सकिन्न भन्दै हात उठाएर हिडेपछि अहिले ‘धुर्मुस–सुन्तली’ पर्दामा जम्न सक्ने स्थितीमा रह्यो न रङ्गशालाको मैदानमा जम्न सकेका छन । यो प्रोजेक्ट कसरी अगाडि लैजाने ? महानगरपालिकालाई हस्तान्तरण गरेर अघि बढाउने वा धुर्मुस सुन्तली आफैंले निर्माण गर्ने ? यो बिषयमा धुर्मुस सुन्तली फाउण्डेसन र भरतपुर महानगरपालिकाको चरण चरणमा बैठक बसिसकेको छ अघिल्लो सातादेखि तर अझैं निष्कर्ष निकाल्न सकेको छैनन् धुर्मुस सुन्तलीहरुले ।