पूर्व प्रधानमन्त्री केपी शर्मा ओलीले दुई पटकसम्म संघीय संसद बिघटन गरे । पहिलो पटक ५ पुस र दोश्रो पटक ७ जेठमा संसद बिघटन गर्ने निर्णय गरेका थिए । यी दुबै निर्णयमा सर्वाेच्चले उल्टाइमात्र दिएन यही कारण ओली बालुवाटारबाट बालकोटमा पुगे ।
ओलीका संसद बिघटनजस्तो अप्रिय निर्णयका विरुद्ध सर्वाेच्च अदालतको ढोका ढकढकाउन पुगेका नेपाली काँग्रेस,माओवादी र नेकपा एकीकृत समाजवादी दल नै अहिले संसद बिघटन गर्ने अबस्थामा पुगेका छन् । पछिल्लो समय पूर्व  माधव कुमार नेपालको अभिव्यक्तिले यस्तै संकेत गरिरहेको छ ।काँग्रेसका कतिपय नेताहरुले पनि यस्तै टिप्पणी र संकेत गरिरहेका छन् ।

Advertisement 1

प्रमुख प्रतिपक्षी दल एमालेले विगत ६ महिनादेखि संसद अवरोध जारी राखेको छ । एमालेल वा त एकीकृत समाजवादीका १४ जना सांसदलाई कारबाही गरेर संसदबाट हटाउनुपर्ने वा सभामुखले राजीनामा गर्नुपर्नेशर्त राखेर संसद चल्न दिइरहेको छैन । हिजो बसेको संसद् बैठकमा पनि एमालेको अवरोध जारी राख्यो । एमालेको अवरोधका बीच प्रधानन्याधीश चोलेन्द्र शमशेर राणाविरुद्धको महाअभियोग प्रस्ताव अगाडि ११ सदस्यीय कमिटि बनेको छ ।

एमालेले लगातार संसद अवरोध जारी राखेपछि अर्लि इलेक्सनका नाममा संसद बिघटन गर्ने तयारी सत्ताधारी दलहरुले गरिरहेका छन् ।

Advertisement 2

पूर्व प्रधानमन्त्री तथा नेकपा एकीकृत समाजवादी पार्टीका अध्यक्ष माधवकुमार नेपालले अर्ली इलेक्सनको प्रस्ताव राखेका छन् । उनले संसद बिघटन गरेर अर्ली इलेक्सनमा जाँदा उचित हुने प्रस्ताव राखेका हुन । नेपालले प्रमुख प्रतिपक्षी नेकपा एमालेले संसद चल्न नदिएर दुख दिइरहेको भन्दै अर्ली इलेक्सनमा जाँदा उचित हुने बताएका हुन्। उनले प्रमुख प्रतिपक्षी दल एमालेको अवरोध नटुंगिएकाले अब संसद् भंग गरेर चुनावमा जानुपर्ने बताएका हुन। नेपालले भने,केपी ओलीलाई कति सहने ? एमालेले हाउस चल्न नदिने, भत्ता पनि खाइरहने, हामीलाई पनि हैरान पार्ने, त्यसैले अब संसद् भंग गर्ने, संसद् पनि रहन्न, यो वितण्डा पनि रहन्न । अब सबै निर्वाचनमा जाऔं ।
पछिल्लो समयमा सत्तारुढ दलका शीर्षस्थ नेताहरुबीच अर्लि इलेक्सनको बिषयमा छलफल बाक्लिएको छ । प्रधानमन्त्रीको सरकारी निवास बालुवाटारमा सत्ता गठबन्धन दलका नेताहरु छलफल समेत भएको बताइएको छ ।
अर्लि इलेक्सनमा गएको खण्डमा आगामी बैशाख ३० गते घोषणा गरिएको निर्वाचन धकेलिने सम्भावना बढ्दै गएको हो ।