कोरोना भाइरसको तेश्रो भेरियन्ट ओमिक्रोन तिव्र रुपमा नेपालमा फैलन थालेसँगै सरकारले मुलुकको प्रमुख प्रशासकीय केन्द्र सिंहदरबार प्रवेशमा समेत कडाई गरेको छ । गृह मन्त्रालयले आज एक विज्ञप्ती जारी गर्दै सबै मन्त्रालय, निकाय, सचिवालय, आयोग, कार्यालय लगायतबाट जारी भएका सवै प्रकारका स्थायी र अस्थायी पास, अस्थायी परिचयपत्र खारेज गरेको छ ।
गृहका प्रवक्ता प्रदीपकुमार कोइरालाद्धारा जारी विज्ञप्तीमा भनिएको छ,अब अप्रान्त नयाँ स्थायी, अस्थायी पास, अस्थायी परिचयपत्र जारी गर्नुपरेमा आवश्यकता हेरी सम्बन्धित निकायको सिफारिसमा गृह मन्त्रालयको पूर्व सहमति लिई सम्बन्धित निकायबाटै जारी गरिने बताइएको छ ।

Advertisement 1

यस्तै सरसफाइसँग सम्बन्धितका हकमा यस पूर्व जारी भएका पास र अस्थायी परिचयपत्रले प्रवेश गर्न दिइने जनाइएको छ ।
मिडियाकर्मीको हकमा भने, सूचना विभागबाट जारी भएको परिचयपत्रको आधारमा प्रवेश गर्न दिइने छ । सिंहदरबारभित्र सञ्चालन भएका चमेना गृहको हकमा बिहीबार एक दिनका लागि यस पूर्व जारी भएका पास, अस्थायी परिचयपत्रबाट नै प्रवेश दिने शुक्रबारदेखि नयाँ परिचयपत्र जारी गर्नुपर्नेछ ।