हरेक वर्ष नवेम्वरको चौथो बिहीवार संयुक्त राज्य अमेरिकामा मनाईने यो पर्व यस वर्ष नोवेम्वर २५ मा हर्षोल्लताका साथ मनाईदैछ।

Advertisement 1

कार्यालयहरूमा बिदा हुदै छ, आन्तरिक हवाई यात्रामा चाप बढ्दै छ। सडक सवारीहरूमा जाम बढ्दै छ। खाद्य स्टोरहरूमा टर्की र यसका परिकारहरूको बिक्री बढ्दै छ।ईष्ट मित्र नाता कुटुम्बहरू बीचको भेटघाट जमघट तीब्र गतिमा बढ्दै छ। अमेरिकामा मात्र हैन विश्वका अन्य मुलुकहरू क्यानडा,ग्रेनेडा, सेन्ट लुसिया, जर्मनी, जापानमा पनि यस्तै पर्व मनाईन्छ तर फरक फरक मितिमा।

यो पर्वको धार्मिक, सांस्कृतिक र आर्थिक महत्व रहेको पाईन्छ।यो पर्वलाई निरपेक्ष पर्वको रूपमा मनाईन्छ। यो पर्वको ईतिहांस हेर्दै जादा जब बेलायतीहरू अमेरिका प्रवेश गरे त्यो संगै यो पर्व आएको देखिन्छ।सन् १६२१ मा अमेरिकाका आदिवासीहरू र उपनिवेशका लागि आएका बेलायती बीच शरद ऋतुका बालीनालीका विषयमा भएको अवधारणालाई लिएर धन्यवाद आदानप्रदान भएको सन्दर्भलाई यो पर्व संग जोडेर हेर्ने गरिएको पाईन्छ। त्यसै गरी पुरानो पुस्ताबाट नयां पुस्तालाई आशिर्वाद दिने पर्वको रूपमा पनि यसलाई मान्ने गरिएको पाईन्छ।

Advertisement 2

जुनसुकै पर्वहरू पनि खानपान, वेशभूषा, मनोरन्जन संग जोडिए जस्तै यो पर्वमा पनि विभिन्न ठाउमा परेडहरू गर्ने, विशेष किसिमका पोशाकहरू लगाउने र खासगरी टर्कीका परिकाहरू खाने, आलु र फर्सीका समेत परिकार बनाउने गरिन्छ। यो पर्व लगत्तै हिऊद लाग्ने र बाली नाली जोगाउन गार्हो हुने हुदा शरद ऋतुलाई केन्द्रित गरेर यो पर्व मनाउने गरिन्छ। यो पर्वमा वन जंगल पनि रंगीन हुन्छ र लगत्तै पातहरू खसेर रंगीन र हरियाली वातावरण सकिएर हिमपातको संकेत देखिन्छ। अमेरिका पनि नेपालीको दशै तिहार लगतै पर्वमय हुदै जान्छ।

आफ्ना पुर्खाको स्मरणको रूपमा हिन्दूधर्माबम्बीहरूले मान्ने पितृपक्षको झल्को दिने गरी यहा हलोवीन पर्व मनाईन्छ र मानवको अस्थिपन्जरको प्रारूप देखिने गरी घर वरपरको वातावरण सजाईन्छ र तिहारमा देउसी भैलोको झल्को दिने गरी घर घरमा चक्लेट जम्मा गर्न बच्चाहरू हिड्ने गर्छन्। हलोवीन पर्व र क्रिसमस तथा नयां वर्षको बीचमा आउने थ्यांक्स गिभिंग पर्वले पनि अमेरिकाको ईतिहांस र संस्कृतिलाई जीवन्त राख्न मद्दत गरेको पाईन्छ।