पछिल्लो दुई हप्तामै ६ सय एमालेको झण्डामुनी

Advertisement 1

दिन प्रति दिन विभिन्न पार्टी परित्याग गरेर एमालेको सुर्य चिन्ह अंकित झण्डामुनी प्रवेश गर्नेको लर्को लाग्न थालेको छ । जिल्लामा ठूला संख्याका नेता तथा कार्यकर्ताहरु नेपाली कांग्रेस र एकीकृत समाजवादी पार्टी परित्याग गरी नेकपा एमालेमा प्रवेश गरेका छन । मंगलबार सम्पन्न गाउँपालिकामा एमालेको अधिवेशनमा झण्डै १०० को संख्यामा नेता तथा कार्यकर्ताहरुले नेपाली काँग्रेस,समाजवादी र स्वतन्त्र युवाको जमात नेकपा एमालेमा प्रवेश गरेका हुन ।

Advertisement 2

जसअनुसार,नौकुण्ड गाउँपालिका वडा नं १ बाट २४ जना एमालेको झण्डामुनी प्रबेश गरेका छन् । यस्तै, वडा नं २ बाट ९ जना प्रबेश गरेका छन् । यस्तै सोही पालिकाको वडा नं ३ बाट २२ जना प्रबेश गरेका हुन् । सोही पालिकाको वडा नं ४ बाट १६ जना प्रबेश गरेका छन् । यस्तै वडा नम्वर ६ बाट २१ जना गरी ९२ जना एमालेमा प्रवेश गरेका राष्ट्रिय युवा संघ नेपाल नौकुण्ड गा पा कमिटी अध्यक्ष सुरेश थोक्राले बताए । सोहि गाउँपालिकामा शनिवार सम्पन्न नेकपा एमालेको प्रथम वडा अधिबेशनमा झण्डै २५० को संख्यामा नेता तथा कार्यकर्ताहरुले नेपाली काँग्रेस,समाजवादी र स्वतन्त्र युवाको जमात नेकपा एमालेमा प्रवेश गरेका हुन ।

त्यस्तै जिल्लामा केही दिन अघि झण्डै साढे दुई सयकै संख्यामा नेता कार्यकर्ता एमालेमा प्रवेश गरेका थिए ।दशैंको मुखमा नेकपा एमाले रसुवाले आयोजना गरेको जिल्ला स्तरीय कार्यकर्ता भेला तथा चियापान कार्यक्रममा नेकपा एमाले केन्दिय उपाध्यक्ष तथा बागमती प्रदेशको मुख्यमन्त्री अष्टलक्ष्मी शाक्यको प्रमुख आतिथ्यमा उनीहरु एमालेमा प्रवेश गरेका थिए ।नेकपा एमाले केन्द्रिय कार्यालयको निर्देशन अनुसार यहीँ गएको ६ गते वडा स्तरिय अधिबेशन सम्पन्न भएको साथै आज ९ गते गा.पा स्तरियको पनि हाम्रो नौकुण्ड गा.पा को पनि अधिबेशनबाट अध्यक्ष कमरेड हित बहादुर न्यौपाने उपाध्यक्ष चन्द्रबहादुर तामाङ ,सचीव कार्बो थोक्रा लगायत उपसचीव २ साथै ६४ सदस्यको कार्यसमिति सर्बसहमत निर्वाचित भएको छ। कार्यक्रममा १५ सय देखि १७ सय जनाको नेता कार्यकर्ताको बाक्लो उपस्थिति थियो। साथै वडा १ बाट २४ जना, २ बाट ९ जना, ३ बाट २२ जना, ४ बाट १६ जना, ६ बाट २१ जना कमरेडहरु विभिन्न पार्टी परित्याग गरि नेकपा एमाले पार्टीमा निस्वार्थरनिशर्त प्रवेश गरेका छन् ।