नेकपा एमालेका अध्यक्ष केपी शर्मा ओलीले माधवकुमार नेपालसहित १४ सांसद, सभामुख, निर्वाचन आयोग र लुम्बिनी प्रदेशका दुई सांसदविरुद्ध दर्ता गरेको रिटको सुनुवाइ आज पनि हुँदैछ ।

Advertisement 1

हिजो र अस्ति न्यायाधीशद्वय दीपककुमार कार्की र कुमार चुडालको संयुक्त इजलासमा बहस भएको मुद्दा ‘हेर्दा हेर्दै’ मा राखिएको थियो । आजको इजलासले अन्तरिम आदेश जारी गर्ने वा नगर्ने निर्णय गर्नेछ ।
हिजो ओलीका तर्फबाट पूर्व महान्यायधिवक्ता रमेश बडाल,ओलीका कानुनी सल्लाहकार बाबुराम दाहाल, रविनारायण खनाल, ईश्वरी भट्टराई लगायतले आज बहस गरेका थिए । उनीहरुले एकीकृत समाजवादी पार्टीको दर्ता गैर कानुनी भएको जिकिर गरेका थिए । यस्तै विपक्षीको तर्फबाट बरिष्ट अधिवक्ता शम्भु थापाले बहस गरेका थिए । थापाले ओलीले ८ जेठमा संसद बिघटन गरिसकेको अबस्थामा सो अघिको कारण देखाएर माधव नेपालसहितका १४ सांसमाथि कारवाही गर्न नमिल्ने तर्क राखेका थिए । थापाले भदौं १ गते राजनीतिक दलसम्बन्धी अध्यादेश आएको,सो पछि नयाँ दल दर्ता प्रक्रिया शुरु भएको र जो माथि अन्याय भएको छ उसैलाई विपक्षी बनाएर मुद्धा दायर गरेर मुद्धा चलाउन नमिल्ने जिकिर गरेका थिए ।
यो मुद्दामा अन्तरिम आदेश जारी भएमा माधवकुमार नेपालसहित १४ सांसदको पद गुम्न सक्छ । बहसका क्रममा निवेदक पक्षका कानुन व्यवसायीहरुले नेकपा एमालेबाट विभाजित भएर बनेको नेकपा एकीकृत समाजवादी पार्टीको दर्ता गैरकानुनी रहेको जिकिर गरेका थिए ।

गत भदौ १६ गते ओलीकोतर्फबाट सर्वोच्च अदालतमा रिट निवेदन दर्ता भएको थियो ।