अध्यक्ष माहोदय
एक बयोबृद्ध नेताको सरकारप्रतिको अपेक्षबाट भनाई शरु गर्छु । आफ्नो गाउँ आफैं बनाउ,बृद्ध भत्ता वितवरण लगायतका चर्चित कार्यक्रम ल्याएका, उमेरले ८० नाघेका भरतमोहन अधिकारी सिकिस्त भएको थाहा पाएपछि उहाँलई भेट्न उहाँकै निवासमा गए । बितेको दुई बर्ष नाघ्यो । त्यस समय दुई तिहाईको सरकार थियो ।सरकार बनेको ९ महिना व्यतित भएको थियो । जनतामा सरकाप्रति धेरै अपेक्षा थियो । भरतमोहन अधिकारीमा पनि त्यो अपेक्षा नहुने कुरै थिएन् । सरकार सञ्चालन,शासकीय स्वरुप लगायतका केही सुझावका पोका उहाँसँग थियो । प्रधानमन्त्रीलाई ६ महिनादेखि समय मागेर पनि भेट्न नपाएको,सल्लाहकारहरुलाई दर्जन पटक समय मागेको तर भेट्न नपाउनु भएको गुनासो पोख्न्ुभयो । अर्थमन्त्री ट्याकभन्दा बाहिर जानुभयो भन्ने उहाँको गुनासो थिएन् । उहाँको भनाईले मेरो मन छोएको थियो ।

Advertisement 1

तत्कालीन एमाले र माओवादी केन्द्रले संस्थागत रुपमा वामदेव गौतमको अध्यक्षताको सुशासन र विकासका प्रथामिकता सम्बन्धी ८३ बुँदे सुझावको पोका खुलेन् । तत्कालीन ओली सरकार कसरी चलेको थियो भन्ने सानो उदाहरण हो यो ।

यो सरकारले भरतमोहन अधिकारीजस्ता व्यक्तित्वको सुझावलाई ग्रहण गरोस ।संयुक्त सरकारको साझा  नीति तथा कार्यक्रमाबाट विचलित नहोस ।

Advertisement 2

साशकीय सुधारको मुल उदेश्य जनतालाई छिटो छरितो तरिकाले गुणस्तरीय र प्रभावकारी सेवा प्रदान गर्ने हो । सेवासँग विकास र सम्बृद्धि पनि जोडिएको हुन्छ । यत्रो साशन व्यवस्था परिवर्तन् भयो तर जनताले अपेक्षा गरे अनुरुपको सेवा पाएनन् भन्ने ठूलो गुनासो छ । सेवा प्रवाहमा सुधारका लागि राज्यका हरेक अंग निरन्तर क्रियाशिल र रचनात्मक हुन जरुरी छ ।

एउटा काम यो सरकारले गरोस्। हाम्रै अध्यक्ष, संसद सचिवालयले पनि लागू गरे हुन्छ। हरेक मन्त्रालयको मन्त्री र सचिवले भित्र गुप्त कोठामा बसेर गरेका काम कारबाहीको बारेमा कोठा बाहिर पनि देखिने गरी सीसी क्यामेरा राखियोस् । गुप्त कोठामा बसेर गरेको शासनले अपेक्षित उपलब्धि दिएन । गुप्त कोठाबाट गरिने कामकारबाहीले शासकहरु अपारदर्शी भयो । शासकहरु पारदर्शी भएनन्। गुप्त कोठाको अनुहार जनताले देख्न पाउनुपर्छ। पारदर्शी मात्रै भएको भए राष्ट्रपति कार्यालयले रातारात कागजहरु मिलाएर राति २ बजे संसद् बिघटन गर्ने हिम्मत गर्ने थिएन् ।

सीसी क्यामरा राख्नाले अनावश्यक भेटघाट रोक्छ,समयमा कार्यालय पुग्ने बानी बस्छ । कार्यालय छोडेर एनजिओ आइएनजिओका कार्याक्रममा रिबन काट्न जाने प्रवृत्ति हट्छ । रबविचौलियासँगको उठबस घट्छ । रातीराती कार्यालयमा बसेर कागज बनाउने,कार्यालयमा बसेर लोकसेवाको प्रश्नप्रश्न बनाउने काम रोकिन्छ । पिएहरुले अनावश्यक दुख दिने काम रोकिन्छ । दुरदराजबाट समस्याको पोको लिएर आउनेले समयमै समस्याको सामाधान पाउँछन । यो विधि संघ,प्रदेश र स्थानीय तहमा लागु गरौं । यो विधि खासै खर्चिलो छैन् ।
राष्ट्रिय सभाको बैठकमा देवकोटाले राख्नुभएको भनाईको अंश