गृह मन्त्रालयले दुई जिल्लाका प्रमुख जिल्ला अधिकारी हेरफेर गरेको छ । यसरी हेरफेर भएका सिडीओहरुमा रामबहादुर कुरुम्वाङग र जयनारायण आचार्य छन् । दाङको प्रमुख जिल्ला अधिकारीमा कुरुम्वाङगलाई पठाइएको छ भने गृहले आचार्यलाई सप्तरीको सिडीओ बनाएर खटाएको छ । यस्तै सप्तरीको प्रजिअ फणिन्द्रमणि पोखरेललाई काठमाडौंमा तानेर कारागार व्यवस्थापन विभागको डिजी बनाइएको छ ।
विभाग महिना दिनदेखि महानिर्देशकबिहिन थियो । यस अघिका डिजी द्रोण पोखरेलले अघिल्लो महिना अवकाश पाएका थिए ।
दाङका सिडिओ दीर्घनारायण पौडेलले अवकाश पाउन लागेकाले उनलाई हटाइएर त्यहाँ कुरुम्वाङगलाई खटाइएको गृहले जनाएको छ ।