काठमाडौं। श्रम तथा रोजगार मन्त्री दीपक कुमार साहकी पत्नी जुनु श्रेष्ठले बीमा बोर्डमा मनोनयनसम्बन्धी कुनै पनि पत्र आफूले नबुझेको प्रष्टीकरण दिएकी छन् । यस अघि पनि बीमा बोर्डकै सदस्य थिइन्। उनी अध्ययनका सिलसिलामा बाहिर रहेका लगातार बैठकमा अनुपस्थित भएका कारण श्रेष्ठ निलम्बन भएकी थिइन्।

Advertisement 1

श्रेष्ठलाई स्वास्थ्य बीमा बोर्डको सदस्यमा पुनः नियुक्ति दिएको विषय विवादमा परेपछि यस्तो प्रष्टीकरण दिएकी हुन् ।

मन्त्री पत्नी श्रेष्ठले आज बिहान फेसबुक स्ट्याटसमा भनेकी छन्, ‘स्वास्थ्य बीमा बोर्ड सदस्य सम्बन्धि आइरहेको खबर प्रति मेरो कुनै सम्बन्ध छैन र मैले मनोनयन सम्बन्धि कुनै पत्र पनि बुझेको छैन।’

Advertisement 2

यसअघि पनि बोर्डमा रहेकी जुनु लगातार बैठकमा अनुपस्थित भएपछि स्वतः निलम्बनमा परेकी थिइन् । निलम्बनमा परेकी जुनु साह श्रेष्ठलाई पुनः सोही पदमा नियुक्त गरेपछि रास्वपाले उठाएको परिवारवाद र मेरिटको कुरामाथि प्रश्न उठेको थियो ।

जुनुको पछिल्लो नियुक्ति २०८० मंसिर १४ गते भएको थियो । उनले बीमित सदस्यको तर्फबाट बोर्डमा प्रतिनिधित्व गर्दै आएकी थिइन् ।