लगातार नकारात्मक सर्किट लागेपछि शेयर कारोबार स्थगित
काठमाडौं। धितोपत्र बजारमा शेयर कारोबार मापक नेप्से परिसूचक छ प्रतिशतले ओरोलो लागेपछि आजका लागि बजार बन्द भएको छ।
Advertisement 1
कारोबार सुरु भएलगत्तै बजार ओरालो लाग्न थालेको थियो। बजार खुलेको २ मिनेटमै नेप्से परिसूचक ४ प्रतिशतले ओरालो लागेको थियो। बजारमा छोटो समयमा नकारात्मक सर्किट लागेको थियो। नेपाल स्टक एक्सेचञ्ज लिमिटेडले बजार २० मिनेट बन्द गरेर पुनः खोलेपछि ११ः २३ मा पुनः दोस्रो सर्किट लाग्यो।
त्यसबेला बजार ५ प्रतिशतले ओरालो लागेको थियो। दोस्रो सर्किट लागेपछि पुनः ४० मिनेट कारोबार बन्द गरियो। पुनः नेप्सेले १२ः०४ मा बजार खुला गर्दा नेप्से परिसूचक छ प्रतिशतले ओरालो लाग्यो। तेस्रो सर्किट लागेसँगै आजको कारोबार बन्द भएको हो।
Advertisement 2
नेप्सेको अनुसार नेप्से परिसूचक १६०.३३ अङ्कले ओरालो लागेर २५११.९१ मा सीमित भएको छ। सीमित समयमा कूल ७२ करोड ८७ लाख २ हजार ८३० बराबरको कारोबार भएको छ। भदौ २३ र २४ को विषम परिस्थितिका कारण बन्द भएको बजार आज खुलेको थियो।
