बागलुङका स्थानीय सरकारको आफ्नै ‘सिंहदरबार’
गलकोट (बागलुङ)। संघीयता लागूपछि बागलुङ १० पालिका भए। त्यसअघि बागलुङ नगरपालिका मात्र अस्तित्वमा थियोे। २०७३ सालमा स्थापना भएका बागलुङका नौ पालिका भाडाको घरमा सञ्चालन भएका थिए।
Advertisement 1
तीमध्ये छ स्थानीय तह आफ्नै भवनबाट सेवा दिन सफल भएका छन् भने गलकोट र जैमिनी नगरपालिकाका भवन निर्माणाधीन छन्।
ढोरपाटन नगरपालिकाले पनि आफ्नै भवनबाट प्रवाह गर्न थालेको छ। भवन सम्पन्नपश्चात् यही फागुनदेखि सेवा दिन थालिएको छ। चार करोड ५९ लाख ३४ हजारको लागतमा छ तलाको पक्की भवनबाट सेवा प्रवाह थालिएपछि कार्यालय सञ्चालन खर्च घटेको छ।
Advertisement 2
काठेखोला गाउँपालिकाले जग्गा टुंगो लगाउन सकेको छैन। ताराखोला गाउँपालिकाले सुविधा सम्पन्न भवन निर्माण गरेको एक वर्षपछि बडिगाड गाउँपालिकाले भवन बनाएको हो।
काठमाडौँको सिंहदरबार संघीयतापछि जनताको सेवाका लागि गाउँमै ठडिन थालेका हुन्। बडिगाड र ताराखोला मात्र होइन तमानखोला, निसीखोला गाउँपालिका र बरेङ गाउँपालिकाले पनि आफ्नै भवनबाट सेवा प्रवाह गरिरहेका छन्।
