जनकपुरको चौथो जित, लुम्बिनी लायन्सको चौथो हार
काठमाडौं। आइतबार बिहान भएको एनपीएलको पहिलो खेलमा जनकपुर बोल्ट्सले लुम्बिनी लायन्सलाई १ रनले हराएको छ। टस हारेर पहिला ब्याटिङ गरेको जनकपुरले लुम्बिनीलाई १३७ रनको लक्ष्य दिएको थियो।
Advertisement 1
जवाफी ब्याटिङ गरेको लुम्बिनीले निर्धारित २० ओभरमा ८ विकेट गुमाएर १३५ रन मात्रै बनाउन सक्यो। लुम्बिनीका लागि कप्तान रोहित पौडेलले ३८ बलमा ३५ रन बनाए। त्यस्तै टम मोर्सले २३ बलमा ३१, अर्जुन साउँदले २३ बलमा २० तथा सन्दीप जोराले १६ रन बनाए।
यसअघि टस हारेर पहिला ब्याटिङ गरेको जनकपुरले ९ विकेटको क्षतिमा १३६ रन बनाएको थियो। उसका लागि कप्तान अनिल साहले ४५ रन बनाए। जनकपुरका हर्ष थाकरले ४ ओभरमा २३ रन खर्च गरेर ५ विकेट लिएपछि जनकपुरको जित निश्चित बनेको हो।
Advertisement 2
यसअघि खेलको समाप्तिसँगै जनकपुर बोल्ट्सले जारी प्रतियोगितामा ४ खेलमा ४ वटै जित निकालेको छ। लुम्बिनी लायन्स भने ४ वटामध्ये सबै खेलमा पराजित भएको छ।
आइतबार दिउँसो हुने खेलमा चितवन राइनोजले सुदूरपश्चिम रोयल्सको सामना गर्ने छ। सुदूरपश्चिम रोयल्स पनि जारी प्रतियोगितामा आफ्ना सबै खेलमा जित निकालेर अंक तालिकाको शीर्ष दोस्रो स्थानमा छ।
