काठमाडौं । विश्वव्यापी भुक्तानी संस्था ‘भिजा’ले सब्बिर अहमदलाई नेपाल, बंगलादेश र भुटानको कन्ट्री म्यानेजरमा नियुक्त गरेको छ ।

Advertisement 1

बंगलादेश र भियतनाममा बैंकिङ र भुक्तानीमा २७ वर्षभन्दा बढी अनुभव भएका सब्बिरले अब ढाका अफिसमा रहेको टोलीसँग तीन देशमा भिजाका लागि बजार सञ्चालनको नेतृत्व गर्ने बताइएको छ ।

सब्बिरको नियुक्तिसँगै ‘भिजा’ले बंगलादेश र भुटानसँगै नेपाली बजारमा आफ्नो नेतृत्व तथा प्रतिबद्धता दोहो‍र्‍याएको छ । नेपालका लागि बढ्दो गतिमा डिजिटल भुक्तानी अपनाउने क्रममा परिष्कृत भुक्तानी समाधान प्रस्तुत गर्नमा भिजाले निरन्तर ध्यानकेन्द्रित गरेको छ ।

Advertisement 2

‘भिजा’ले भिजा कार्डमार्फत अनलाइन किनमेल तथा क्युआर कोड स्क्यान गरी भुक्तानी प्रणाली सहज बनाएको कम्पनीको दाबी छ । साथै, सब्बिरको नियुक्तिले दक्षिण एसियाको डिजिटल भुक्तानी बजारमा आफ्नो वृद्धिलाई गति दिने लक्ष्य राखेको छ ।

नियुक्तिपछि कन्ट्री म्यानेजर सब्बिरले नेपालमा समेत डिजिटल भुक्तानीमा अग्रपंक्तिमा रहेको ब्रान्ड ‘भिजा’मा सामेल हुन पाउँदा उत्साहित भएको बताए ।

‘ग्राहक, नियामक र नेपालको बृहत्तर इकोसिस्टमसँग साझेदारी गर्न महत्वपूर्ण भूमिका खेल्न तयार छु,’ उनले भने, ‘भिजा इन्डिया’ र दक्षिण एसियाका ग्रुप कन्ट्री म्यानेजर सन्दीप घोषले भने, ‘बलियो व्यावसायिक उपलब्धि, विविध बैंकिङ अनुभव र गहिरो बजार सम्बन्धले हाम्रो नेतृत्वलाई बलियो बनाउने, व्यावसायिक उद्देश्य अघि बढाउने र भिजाका लागि दिगो विकासलाई प्रोत्साहन गर्नेछ ।’‘भिजा’ दुई सयभन्दा बढी देश र क्षेत्रमा लेनदेनको सुविधा प्रदान गर्ने डिजिटल भुक्तानीको अग्रणी संस्था हो ।