दाङमा बञ्चरो प्रहारबाट दुई जनाको हत्या
दाङ । दाङमा बञ्चरो प्रहारबाट दुई जनाको हत्या भएको छ । शनिबार साँझ करिब पाँच बजे घोराही उपमहानगरपालिका १० पहेलपारमा स्थानीय ५० वर्षका जुपली बुढा र सुर्खेत वीरेन्द्रनगर नगरपालिका दुई घर भएका ४४ वर्षका संगीता सुनारको बञ्चरो प्रहारबाट हत्या भएको प्रहरीले जनाएको छ ।
Advertisement 1
प्रहरीले हत्या गरेको आरोपमा रोल्पाको थवाङ गाउँपालिका दुई घर भई घोराही उपमहानगरपालिका १७ चौघेरामा बसोबास गर्दै आएका ५७ वर्षका अटो चालक टेकबहादुर घर्तीलाई पक्राउ गरिएको जिल्ला प्रहरी कार्यालय दाङका प्रहरी नायव उपरीक्षक (डीएसपी) जनकबहादुर मल्ले जानकारी दिए ।
उनका अनुसार प्रहरीले घटनास्थलको प्रकृति मुचुल्का लगाएर अनुसन्धान जारी राखेको छ । घटनाको थप विवरण आउन बाँकी रहेको डीएसपी मल्ले बताए ।
प्रकाशित :२०८१ बैशाख २९, शनिबार २१:५८
यो खबर पढेर तपाईलाई कस्तो महसुस भयो ?
0%
like
0%
love
0%
haha
0%
wow
0%
sad
0%
