सशस्त्र प्रहरी बलका डीएसपी तुलसिंह केसीलाई प्रहरीले पक्राउ गरेको छ । पोखरास्थित नम्बर–४ बाहिनी पोखरामा कार्यरत केसीलाई स्वयम्भूबाट पक्राउ गरिएको उपत्यका प्रहरी कार्यालयका एकजना अधिकृतले बताए ।

Advertisement 1

उनी विरुद्ध अश्लील हर्कत गरेको जाहेरी परेपछि आइतबार पक्राउ गरिएको हो। प्रहरी वृत स्वयम्भू प्रमुख डीएसपी पुर्णिमा चन्दले सशस्त्रका डीएसपी पक्राउ परेको पुष्टि गरिन्। चन्दका अनुसार केसीले स्वयम्भुस्थित न्यु इभान पोइन्ट रेष्टुरेन्टमा अश्लील हर्कत गरेको आरोप छ।

इकर्मचारीलाई प्राप्त सूचना अनुसार सशस्त्र डीएसपी केसी शनिबार दिउँसो उक्त रेष्टुरेन्टमा खाजा खान गएका थिए। साथीहरुसँग बसेर मदिरा पिएका केसीले रेष्टुरेन्टको महिला ट्वाइलेट भित्रको फोटो र भिडियो खिचेका थिए। साथीहरू पर्खने बहानामा उनले ट्वाइलेट पसेकी युवतीको पछाडिको भाग देखिने गरी मोबाइलमा फोटो खिचेका थिए।

Advertisement 2

उनीमाथी रेस्टुरेन्टमा महिलाको अश्लील भिडियो खिचेको आरोप छ । पीडितले उनीविरुद्ध प्रहरी वृत स्वयम्भूमा जाहेरी दिएको बताइएको छ । प्रहरीले घटनाबारे अनुसन्धान गरिरहेको जनाएको छ । वैयक्तिक गोपनीयतासम्बन्धी ऐन, २०७५ अनुसार अनुमतिबिना कसैको तस्बिर वा भिडियो खिच्न पाइँदैन । ऐनमा कसैले कुनै पनि व्यक्तिको चरित्र वा सामाजिक प्रतिष्ठामा क्षति पुग्ने गरी निजको मञ्जुरीबिना निजको तस्बिर खिच्न नहुने भनिएको छ ।