भिजिट भिसाको सेटिङ भत्किएपछि अध्यागमन जाने कर्मचारीको ‘खडेरी’
उपप्रधान एवम् गृहमन्त्री नारायणकाजी श्रेष्ठले भिजिट भिसाको सेटिङ भत्किएपछि अध्यागमनमा कर्मचारी जानै नमान्ने गरेको बताएका छन् ।
गत शुक्रवार काठमाडौंमा अध्यागमन बिभागमा नयाँ भिसा प्राप्त गर्न, भिसाको म्याद थप गर्ने वेभसाइटको उदघाटन गर्दै श्रेष्ठले अहिले विमानस्थलको अध्यागमनमा कोही पनि कर्मचारी जान नमान्ने बताएका गृहमन्त्री श्रेष्ठले राज्यव्यवस्था तथा सुशासन समितिको बैठकमा समेत सोही कुरा दोहोर्याएका छन् ।
Advertisement 1
गृहन्त्री श्रेष्ठले पहिला कर्मचारी जान तछाड मछाड हुने कार्यालयमा अहिले कोही कर्मचारी जान नमान्ने स्थिति देखिएको बताएका हुन ।
यही प्रकरणमा हालैमात्र अध्यागमन अधिकृत नरवीर खड्का जेल चलान भएका छन् । भिजिट भिसाको सेटिङमा संलग्न भएको भन्दै संगठिन अपराध र कीर्ते मुद्दामा जिल्ला अदालत काठमाडौंले उनलाई थुनामा पठाएको हो । उनीसहित बिचौलियाहरू अरुण दाहाल, सरोज कुमार यादब र मनोज तामाङ जेल चलान भएका हुन् । अन्य ६ जनालाई धरौटीमा छाड्ने आदेश भएको छ । अध्यागमन अधिकृतहरू ताराबहादुर कुँवर, कुशल बराल, शैलेन्द्र ढकाल, विमल पौडेल, विष्णु अर्याल, विकास डंगोल, पीताम्बर रिमाल र सुजन फागो फरार छन् । जसमध्ये केही अधिकृत भागेर अष्ट्रेलिया र केही हङकङ पुगेका छन् ।
Advertisement 2
अध्यागमनका कर्मचारीहरु गिरोहसँग मिलेर नक्कली कागजात बनाउने चालिसदेखि पचास हजारसम्म लिएर विदेश पठाउने गरेको खुलेको थियो । यही प्रकरणपछि अहिले अध्यागमन कार्यालय जाने कर्मचारी खडेरी परेको मन्त्री श्रेष्ठले बताएका हुन ।
