मेयरसँग टसल परेपछि बुटवल उपमहानगरपालिकाको प्रमुख प्रशासकीय अधिकृत ४५ दिनमै सरुवा सरुवा भएर हिडेका छन् । मेयर खेलराज पाण्डेले नियमविपरीत काम गर्न दबाब दिएको भन्दै प्रमुख प्रशासकीय अधिकृत विष्णुप्रसाद भुसाल ४५ दिनमै काठमाडौं सरुवा मिलाएर फर्किएका हुन । मेयर पाण्डेसँग खटपट परेपछि बुटवलका प्रमुख प्रशासकीय अधिकृत विष्णुप्रसाद भुसाल हिजै पालिका छाडेर काठमाडौं फर्किएका हुन ।
डेढ महिना अगाडि मात्र उद्योग मन्त्रालयबाट सरुवा भएर गत असोज ७ गते भुसाल उपमहानगरमा हाजिर भएका थिए । उनी ४५ दिनमै काठमाडौं फर्किएका छन् ।

Advertisement 1

बुटवलमा आएका अधिकृत भुसाल अनावश्यक दबाब खेप्न नसकेर मंगलवार एकाएक काठमाडौं फर्किएका हुन् । यसअघि ६ वटा पालिकामा प्रमुख प्रशासकीय अधिकृत भएर काम गरिसकेका भुसाललाई मेयर पाण्डेले आफू निकटका व्यक्तिहरुलाई कानून विपरित नियुक्ति गर्न दबाब दिएको तथा आर्थिक अपारदर्शिता हुने खालका निर्णयहरुमा हस्ताक्षर दिन दबाब सिर्जना गरेपछि गैरकानुनी काम गर्न नसक्ने भन्दै काठमाडौं फिर्ता भएका हुन ।

यस अघि प्रमुख प्रशासकीय अधिकृत रहेका टेकराज पन्थीले सो पालिकामा १६ महिना समय व्यतित गरेका थिए ।