भारतबाट अवैध रूपमा भित्र्याइएको कुखुरा नष्ट
सशस्त्र प्रहरीले ३४ वटा ब्रोइलर कुखुरा नष्ट गरेको छ । दशैंको मौका छोपी भारतबाट अवैध रूपमा नेपाल ल्याउँदै गरेको कुखुरा सशस्त्र प्रहरी रौतहटको परोहा नगरपालिकास्थित नरकटिया नाकाबाट नेपाल भित्र्याइएको भारतीय कुखुरा नष्ट गरेको हो।
Advertisement 1
सशस्त्र प्रहरीको बीओपी सरमुजवाबाट गस्तीमा गएको टोलीले दुईवटा साइकलमा राखेर भारतबाट ल्याउँदै गरेका ३४ वटा ब्रोइलर कुखुरा आइतबार साँझ बरामद गरेको हो । सशस्त्र प्रहरीलाई देखेपछि कुखुरा व्यापारी फरार भएका थिए । बरामद भएको कुखुरा सशस्त्र प्रहरी प्रस्तावित सीमा सुरक्षा गुल्म गौरनजिक खाडल खनेर गाडिएको सशस्त्र प्रहरीका एसपी माधव रेग्मीले जानकारी दिए ।
दुई दिनअघि पनि सशस्त्र प्रहरीले गौर नगरपालिका–५,स्थित भारतबाट अवैध रूपमा भन्सार छलेर नम्बर नखुलेको मोटरसाइकलमा ल्याउँदै गरेको दुई बोरा तोरी बरामद गरेको थियो ।
प्रकाशित :२०८० आश्विन २९, सोमबार १६:२०
यो खबर पढेर तपाईलाई कस्तो महसुस भयो ?
0%
like
0%
love
0%
haha
0%
wow
0%
sad
0%
