सशस्त्र कञ्चनपुरद्वारा २ महिनामा राज्यकोषमा ७१ लाख ५५ हजारको योगदान
सशस्त्र प्रहरी बल नेपालको नम्बर ३५, हेडक्वार्टर कञ्चनपुरले पछिल्लो दुई महिनामा ७१ लाख ५५ हजार रुपैयाँ बढीको चोरीपैठारीका सामान बरामद गरेको छ ।
Advertisement 1
श्रावण र भाद्र महिनामा भन्सार छलेर भारतबाट नेपाल ल्याउन खोजिएका सामानमध्ये सशस्त्रले ७१ लाख ५५ हजार रुपैयाँ बढीको चोरीपैठारीका सामान पक्रेर भन्सार कार्यालयलाई बुझाएको विवरण सार्वजनिक गरेको हो ।
शैलेश्वरी कञ्चनपुर तथा मातहत रहेका सशस्त्र प्रहरी बल नेपालको टोलीले अबैध रुपमा भन्सार छली चोरी छुपी नेपाल भित्र्याईएको लत्ताकपडा, मलखाद, बिडि, अबैध पशु/पन्छी, तरकारी, लगायत सवारी साधनहरु ५४ लाख ५७ हजार ९ सय २२ रुपौया बराबरका सामानहरु कञ्चनपुर भन्सार कार्यालय गड्डाचौकीमा बुझाइएको उल्लेख छ ।
Advertisement 2
त्यस्तै १० लाख ९६ हजार १ सय ६७ रुपैंया बराबरको ‘सामानहरु कैलाली भन्सार कार्यालय त्रिनगरमा बुझाएको र ६ लाख १ हजार ७५ रुपैँया बराबरको सामानहरु बरामद गरी नष्ट गरेको सशस्त्र प्रहरी उपरीक्षक प्रेम बहादुर रावलले जानकारी दिए ।
