संघीय मामिला तथा सामान्य प्रशासन मन्त्रालयका सचिव कृष्णहरि पुष्करले कर्मचारी सरुवाका दागि दैनिक डेढदेखि दुई किलो पत्र आउने गरेको बताएका छन् ।
संघीय मामिला तथा सामान्य प्रशासन मन्त्री अमनालाल मोदीले झन्डै पाँच महिनाको अवधिमा आफूले गरेका काम सार्वजनिक कार्यक्रममा सचिव पुष्करले यस्तो जनाएका हुन ।

Advertisement 1

मन्त्री मोदीले आफ्नो पाँच महिनाको अवधिमा तोकिएको क्षेत्रमा नजाने कर्मचारीहरूप्रति कडाइ गर्दै समस्या समाधानमा आफू दत्तचित्त भएर लागेको बताए ।

उनले स्थानीय तहलाई बेरुजु नियन्त्रणका लागि मन्त्रालयबाट परिपत्र जारी गरेको तथा आगामी बजेटमा जनजाति, मधेशी, दलित, पिछडिएका क्षेत्रका जेहेन्दार विद्यार्थीलाई लोकसेवा निःशुल्क पढाउने व्यवस्था मिलाएको बताए । उनले निजामती अस्पतालाई शिक्षण अस्पतालका रूपमा विकास गर्ने र सातै प्रदेशमा विस्तार गर्ने योजना रहेको पनि बताए ।
सोही कार्यक्रममा सचिव पुष्करले संघीय मामिला तथा सामान्य प्रशसान मन्त्रालयले स्वतन्त्र ढंगले कर्मचारीहरुको सरुवा गर्न खोज्दा आक्रमण होला जस्तो आभाष हुने बताए । उनले भने, सरुवाका लागि बाहिर बसेर दलालहरु प्रयोग गरिरहेको हुन्छन् । अहिले दलालको रुप र स्वरुप फेरिएको छ ।
सामान्य प्रशासनले कानुन र मर्यादाभित्र रहेर कर्मचारीको सरुवा र बढुवाको व्यवस्थापन गर्दै आएको भए पनि विभिन्न इन्ट्रेष्ट ग्रुपले हाजिर गर्न नदिइएको समेत बताए ।