अर्थ मन्त्रालयले मातहतका विभागमा व्यापक हेरफेर थालेको छ । मन्त्रालयमा ल्याइएका सहसचिवहरुलाई जिम्मेवारी दिन थालिएको छ ।

Advertisement 1

जसअनुसार आन्तरिक राजश्व विभागको महानिर्देशका झक्कप्रसाद आचार्य तथा भन्सार विभागको महानिर्देशका नारायण प्रसाद सापकोटालाई जिम्मेवारी दिइएको छ । अर्थमन्त्री जनार्दन शर्माले मन्त्रालयमा आफु निकट कर्मचारी भित्राएर जिम्मेवारी दिइरहेका छन् । सामान्यतया अर्थले आफ्नो निकायका सहसचिवलाई सहजै एक निकायका कर्मचारीलाई अर्को निकायमा पठाउन सक्छ । तर, अर्को निकायबाट कर्मचारी ल्याउनु पर्दा भने सामान्य प्रशासनको स्वीकृति अनिवार्य चाहिन्छ । राजस्व अनुसन्धान विभाग प्रधानमन्त्री तथा मन्त्रीपरिषद् कार्यालय मातहत रहेको छ ।
सरकारलाई अहिले चुनाव र कोरोना खोपको जोहो गर्न रकमको खाँचो छ । यस अवस्थामा आन्तरिक राजस्व संकलनका लागि विभागमा तत्काल नेतृत्व आवश्यक थियो ।