आज मन्त्रीपरिषद बैठक बस्दै
आज मंगलवार अपराह्न ४ बजे मन्त्रिपरिषद्को बैठक बस्दैछ । प्रधानमन्त्री पुष्पकमल दाहाल प्रचण्डका प्रेस सल्लाहकार गोविन्द आचार्यले ४ बजे मन्त्रिपरिषद् बैठक बस्ने जानकारी दिएका हुन् ।
Advertisement 1
उनका अनुसार प्रधानमन्त्री प्रचण्ड मंगलवार बिहान ११ बजे सामुदायिक वन उपभोक्ता महासंघ (फेकोफन) को वार्षिक साधारणसभाको कार्यक्रममा र दिउँसो १ बजे राष्ट्रियसभा बैठकमा सहभागी हुनेछन् । सरकारले आगामी आर्थिक वर्ष २०८०/८१ का लागि संघीय संसदमा नीति तथा कार्यक्रम पेस गरेको छ । राष्ट्रपति रामचन्द्र पौडेलले जेठ ५ गते प्रस्तुत गरेको नीति तथा कार्यक्रमाथि संसदका दुवै सदनमा छलफल भइरहेको छ ।
छलफलमा भाग लिंदै प्रमुख प्रतिपक्षी दल नेकपा एमाले अध्यक्ष केपी शर्मा ओली लगायत नेताहरुले उक्त नीति तथा कार्यक्रम पुनर्लेखन गर्नुपर्ने बताएका छन् ।
Advertisement 2
प्रकाशित :२०८० जेष्ठ ९, मंगलवार १०:०३
यो खबर पढेर तपाईलाई कस्तो महसुस भयो ?
0%
like
0%
love
0%
haha
0%
wow
0%
sad
0%
