सेक्युरिटी प्रिन्टिङ प्रेस खरिदमा भ्रष्टाचार भएको ठहर गर्दै अख्तियार दुरुपयोग अनुसन्धान आयोगले ९ जनाविरुद्ध मुद्दा दायर गरेको छ ।

Advertisement 1

सुरक्षण मुद्रण केन्द्रका कार्यकारी निर्देशक विकल पौडेलसहित सिडिई, इन्जिनियरिङ्ग मार्केटिंग कन्सर्न, मेपटेक विल्डिंग सर्भिसेस , परामर्शदाता वास्तुशिल्प एसोसिएट्ससहित ९ जनाविरुद्ध भ्रष्टाचार मुद्दा दायर भएको हो । पौडेलले राज्यकोषमा ६९ करोड ८ लाख ८१ हजार रुपैयाँ नोक्सान गरेको ठहर सहित मुद्दा दायर गरिएको छ । विशेष अदालतमा दायर गरिएको उक्त मुद्दामा सबै ९ जनाविरुद्ध कुल २ अर्ब ६९ करोड भन्दा बढी मागदाबी लिइएको छ ।

सुरक्षण मुद्रण केन्द्रका कार्यकारी निर्देशक विकल पौडेललाई ६९ करोड ८ लाख ८१ हजार ८५४.७० बिगोसमेत असुल उपर हुन मागदावी लिइएको छ। तत्कालीन शिक्षा, विज्ञान तथा प्रविधि मन्त्रालयबाट सुरक्षण मुद्रण केन्द्रमा प्रतिनिधि हाल वन तथा वातावरण मन्त्रालयका सी.डी.ई. नविन कुमार पोखरेल लाई ४९ करोड ४६ लाख ३५ हजार ९४५.७० बिगोसमेत असुल उपर हुन मागदावी लिइएको छ। तत्कालीन सुरक्षण मुद्रण केन्द्रमा प्रतिनिधि र हाल राष्ट्रिय सूचना प्रबिधि केन्द्रका सहायक निर्देशक रमेश प्रसाद पोखरेललाई २० करोड ३८ लाख ९३ हजार ८२७.६३ बिगोसमेत असुल उपर हुन मागदावी लिइएको छ। तत्कालीन सुरक्षण मुद्रण केन्द्रमा शाखा अधिकृत र हाल राष्ट्रिय समावेशी आयोगका शाखा अधिकृत मनिकमान महर्जनलाई ३ करोड ४४ लाख ६८ हजार ७२९ बिगोसमेत असुल उपर हुन मागदावी लिइएको छ।