नेकपा एस निकट कर्मचारी संगठन एकीकृत सरकारी कर्मचारी संगठन नेपालले विभिन्न सात बुँदे माग अगाडि सारेको छ ।
संगठनको फागुन २६ र २७ मा सम्पन्न भएको प्रथम केन्द्रीय अधिवेशनपछि चयन भएका महासचिव प्रकाश राईले एक सार्वजनिक अपिल गर्दै सात बुँदे मागपत्र सार्वजनिक गरेको हो ।
संगठनले सरकारी कर्मचारीको सरुवा वैज्ञानिक र स्वचालित हुनुपर्नेदेखि उच्चस्तरीय तलब सुधार आयोगको प्रतिवेदन सार्वजनिक गर्न माग गरिएको छ ।
यस्तै संगठनले संघीय निजामती सेवा ऐन अबिलम्ब ल्याउन,महिलाहरूलाई प्रसूति तयारीको एक महिने बिदा दिन,कार्यालयमा स्तनपान कक्षको उचित प्रबन्ध गर्नका अलवा अस्थायी–करार कर्मचारीलाई सामाजिक सुरक्षा कोषमा जोड्न माग गरेको छ ।

Advertisement 1

एकीकृत सरकारी कर्मचारी संगठन, नेपालको अध्यक्षमा गगनसिंह विष्ट,महासचिवमा प्रकाश राईसहितको १३९ सदस्यीय नयाँ कार्यसमिति हालै चयन भएको छन् ।

सोही संगठनको फागुन २६ र २७ गते भक्तपुरको बोडेमा सम्पन्न भएको प्रथम राष्ट्रिय अधिवेशनले गरेका सात बुँदे निर्णयहरु सार्वजनिक गरिएको हो ।