नेपाल सरकारको सचिव भएर काम गरिसकेका लोकसेवा आयोगका पूर्व अध्यक्ष उमेश मैनाली हाम्रो कर्मचारीले तोकतन्त्रको मूल्य मान्यता नै बुझेको छैन, उनीहरुलाई त्यो पढाउनु पर्ने बताए । सामान्य प्रशासन मन्त्रालयले राजनीति र प्रशासनको सम्वन्धबारे आयोजना गरेको अन्तरक्रियामा उनले संघीयतामा जाँदा त्यहाँको भाषा, संस्कृति सिकेको हुनुपर्ने बताएका हुन् ।

Advertisement 1

अबको व्यूरोक्रेसी साँस्कृतिक रुपमा पनि प्रतिस्पर्धी हुनुपर्छ । त्यहाँको रितिरिवाज नबुझेको कर्मचारीले काम नै गर्न सक्दैन । संविधानले त्यस्तो व्यवस्था गरेको छ । त्यसको तयारी खै उनले प्रश्न गरे ।

“राजनीतिकर्मीहरुले राज गर्ने हो, शासन गर्ने होइन । शासन गर्ने, तडकभडक गर्ने काम व्यूरोक्रेसीले गर्छ । मानसम्मान, मञ्च, माला नेताहरुले पाउनुपर्छ । त्यसैले भनिन्छ, राजनीतिज्ञहरु राज गर्छन्, प्रशासकहरु शासन । भएको कुरा हो यो, लुकाएर लुक्दैन । पश्चिमी देशहरुमा अभ्यास गर्न थालियो, बफरजोन अफ द व्यूरोक्रेसी । व्यूरोक्रेसी अब बफरजोनको रुपमा रहनुपर्छ । नेताहरुको गल्तिलाई जनतासमक्ष पुर्‍याइदिने, जनताका गुनासाहरु नेताहरुकहाँ पुर्‍याइदिने । यो पद्धती अब यहाँ पनि आउँछ, आउनुपर्छ । यहाँ त व्यूरोक्रेसी पनि विस्वाशिलो नभएर समस्या आएको मैनालीले बताए ।”