हालको तलबस्केल हेर्दा निजामती सेवाभित्रैका पदमा पनि र अन्य सरकारी सेवा र सार्वजनिक संस्थानको तह एवं नेपाल सरकारको मर्यादाक्रम अनुसार तलब स्केल मिलेको छैन ।

Advertisement 1

खरिदारको तलबस्केल कम्तिमा पाँचौस्तरको सवारी चालकको भन्दा बढी हुनुपर्थ्यो । पहिले बाबुराम भट्टराई अर्थमनन्त्री हुँदा कार्यालय सहयोगी पाँचौको भन्दा खरिदारको तलबस्केल कम भएकै कारण खरिदारको तलब स्केल कार्यालय सहयोगी पाँचौको भन्दा १० रुँपैया भएपनि बढी कायम गरिएको थियो । तर पाँचौस्तरको सवारी चालकको भन्दा खरिदार त के नासु को तलब कम छ । यसलाई मिलाउनैपर्ने देखिन्छ ।

त्यस्तै मर्यादाक्रम अनुसार प्रहरीको एसपी भन्दा उपसचिव माथि हुन्छ । प्रहरीको डिआइजी भन्दा सहसचिव माथि हुन्छ तर तलबस्केल एसपी को भन्दा उपसचिवको थोरै छ । डिआइजीको भन्दा सहसचिवको थोरै छ । त्यतिमात्र होइन तहगत प्रणाली रहेको स्वास्थ्य, प्रदेश, स्थानीय तह र सार्वजनिक संस्थानका आठौं तह भनेको शाखा अधिकृत सरह, दशौं तह भनेको उपसचिव सरह र एघारौं तह सहसचिव सरह हुन्छ तर आठौंको भन्दा शाखा अधिकृतको कम छ दशौं तहको भन्दा उपसचिवको कम छ एघारौं भन्दा सहसचिवको तलवस्केल कम छ । कर्मचारीबीचमा मर्यादाक्रम अनुसारको तलब स्केल मिलेको छैन ।

Advertisement 2

यसलाई मिलाउने पर्ने देखिन्छ । तलबस्केलकै कारण कर्मचारीबीच म ठूलो भन्ने ड्राइभरले नासुलाई म भन्दा तल्लो हो जस्तो गर्ने बिकृति देखिएको छ । छैटौले शाखा अधिकृत हुँ भन्ने सातौले, आठौले शाखा अधिकृतलाई तल्लो तहको जस्तो मान्ने गर्दा कार्यसम्पादनमा समेत नकरात्मक असर पुर्याएको छ । चेन अफ कमान्डमा समस्या भएको छ । तसर्थ पनि कर्मचारीबीचमा मर्यादाक्रम अनुसारको तलबस्केल कायम गर्नैपर्ने देखिन्छ । तलबस्केल खरिदार देखि नै मिलाउनुपर्ने देखिन्छ ।