मन्त्रिपरिषद्को बैंठकले विभिन्न २३ वटा निर्णय गरेको छ । मन्त्रिपरिषद्को बैंठकले विभिन्न सरुवा,बढुवा,नियुक्ति लगायतका निर्णय गरेको छ । क्याविनेटले नेपाल प्रशासन सेवा सामूहिकरण तर्फको राजपत्राङ्कृत विशिष्ट श्रेणीको रिक्त पदमा सहसचिव डा गोपीकृष्ण खनाल,नेपाल कृषि तथा वन सेवा सामुहिकरण तर्फको राजपत्राङकृत विशिष्ट श्रेणीको रिक्तपदमा डा दिपककुमार खराल र नेपाल स्वास्थ्य सेवाको अधिकृत १२ औं तहमा प्रमुख कन्सल्टट्यान्ट अफटेटीसियन गाइनोकोलोजिष्ट डा संगीता कौसल मिश्रलाई बढुवा गर्ने निर्णय गरेको छ ।
भाषा आयोगको पदमा डा. अमरराज गिरी, प्राध्यापक डा. कृष्णप्रसाद न्यौपाने, मातृकाप्रसाद पोखरेल, गोपालप्रसाद सराफ र अमृतयोञ्जन तामाङलाई नियुक्त गर्ने निर्णय भएको छ । यस्तै नेपाल दूरसञ्चार प्राधिकरणको प्राविधिक सदस्यमा रविन्द्र झा र लेखा तथा परीक्षण सदस्यमा गोकर्णप्रसाद सिटौलालाई नियुक्त गर्ने निर्णय भएको छ । हेजिङ नियमावली २०७८ स्वीकृत गर्ने।
यस्तै विभूषणका सदस्यमा रहनु भएका अन्य सदस्य यथावत रहने गरी कलाकार मदनदास श्रेष्ठको सट्टामा कला क्षेत्रबाट संगीतकार शम्भुजित बास्कोटालाई विभूषण समितिको सदस्य तोक्ने निर्णय गरेको छ । यस्का अलवा २०७९ असार २४ गते देखि २६ गतेसम्म भारतको नयाँ दिल्लीमा हुने रि फाउण्डिङ द फ्युचर विषय कार्यक्रममा राष्ट्रिय योजना आयोगका उपाध्यक्ष डा विश्व पौडेललाई सहभागि हुन स्वीकृत प्रदान गर्ने,संयुक्त राष्ट्र संघको आयोजनामा ०७९ असार २१ गतेदेखि २३ तथा २७ देखि ३१ गतेसम्म आयोजना हुने इको सोक हाइलेभल फोरम २९ देखि ३१ सम्म आयोजना हुने मिनिस्टेरियल सेग्मेण्ट र साउनमा हुने हाइलेभल सेग्मेण्टमा सहभागि हुन राष्ट्रिय योजना आयोगका उपाध्यक्ष डा विश्वनाथ पौडेलको नेतृत्वको प्रतिनिधि मण्डललाई स्वीकृत दिने, खानेपानी क्षेत्रको सुशासन र पूर्वाधार सहयोग आयोजनाको लागि विश्व बैंकबाट प्राप्त हुने ५९ दशमलव ६ मिलियन एसडीआर सहुलियतपूर्ण ऋण सहायता स्वीकार गर्ने निर्णय गरेको छ ।

Advertisement 1

यस्का अलवा नेपाल प्रहरीमा क्षमता विकास सहितको साइवर युरो स्थापनाका लागि गणतन्त्र कोरियाबाट प्राप्त हुने अमेरिकी डलर ८ मिलियन अनुदान सहायता स्वीकार गर्ने,हरित ग्यास उत्सर्जन न्यूनिकरणका लागि खाना पकाउने आधुनिक दक्ष तथा जलवायुमैत्री स्वच्छ उर्जा प्रवद्र्धनको लागि प्राप्त हुने अमेरिकी डलर २१ दशमलव १२ मिलियन अनुदान सालयता स्वीकार गर्ने निर्णय गरेको छ । यस्तै, हरित तथा नवीकरणीय उर्जा प्रवद्र्धनका लागि युरोपियन युनियनबाट प्राप्त हुने युरो ४ दशमलव ५ मिलियन बराबरको आर्थिक प्राविधिक सहायता स्वीकार गर्ने,पहाडी क्षेत्रमा काष्ठफल तथा फलफूल आयोजनाका लागि एसियाली विकास बैंकबाट सहुलियतपूर्ण ऋण तथा अनुदान सहायता सम्बन्धी दस्तावेजलाई अन्तिम रुप दिन अर्थमन्त्रालयका सहसचिवको नेतृत्वमा वार्ता टोली गठन गर्ने

नेपालको नागरिकता ऐन २०६३ लाई संशोधन गर्न बनेको विधेयक संघीय संसदबाट फिर्ता लिने निर्णय भएको छ भने सशस्त्र प्रहरी दोस्रो संशोधन नियमावली २०७९ स्वीकृत गर्ने। प्रत्येक वर्ष वैशाख १ गते घरजग्गा लिखित रजिष्ट्रेशन दिवस मनाउनका लागि स्वीकृति प्रदान गर्ने। विभिन्न २३ जिल्लाका २ लाख २३ हजार ३३० गरिब परिवारको सूची सूचीकृत सूची स्वीकृत गर्ने।

Advertisement 2

राष्ट्रिय बाल परिषद्को कार्यकारी निर्देशक पदको हालको बालबालिका सम्बन्धि नियमावली २०७८ मा नभएकाले कार्यकारी निर्देशक मिलनराज धरेललाई पदमुक्त गर्ने र राष्ट्रिय बाल परिषद्को उपाध्यक्ष तीन जना सदस्यहरु र सदस्यसचिव नियुक्त गर्ने। वागमती प्रदेश ट्राफिक प्रहरीलाई चितवन जिल्लाको भरतपुर महानगरपालिका वडा नम्बर १ रामनगरस्थित शतनचुली सामुदायिक वनको कुल जम्मा ० दशमलव ६ प्रतिशत ४६ हेक्डर वन क्षेत्र प्रयोग गर्न स्वीकृत दिने।

कर्णाली प्रदेशको प्रादेशिक सरुवा रोग अस्पताल निर्माणको सुर्खेत जिल्लाको भेरीगंगा नगरपालिका वडा नम्बर १२ सिन्चुस्थित राष्ट्रिय वनको कुल जम्मा ४ दशलमव ९ हेक्टर वन क्षेत्र प्रयोग गर्न दिने। वैदेशिक रोजगारबाट फर्केका व्यक्तिका लागि पुनः एकीकरण कार्यक्रम सञ्चालन तथा व्यवस्थापन निर्देशिक २०७९ स्वीकृत गर्ने’